Bilindiyi kimi, “Turan Tovuz” təlim-məşq toplanışının ikinci mərhələsini Türkiyədə davam etdirir.

Ankaranın Qızılcahamam bölgəsində olan tovuzlular toplanış çərçivəsində ikinci yoxlama oyununu keçirib. Türkiyə superliqasının təmsilçisi "Adana Dəmirspor"la qarşılaşan “bozqurd” məhsuldar bərabərliklə razılaşıb. Qarşılaşmaya sürətli başlayan adanalılar gənc futbolçu Yusuf Barasinin vurduğu qolla hesabda önə keçib. Lakin “Turan Tovuz” qısa müddətdə hesabı avroqol sayəsində bərabərləşdirməyə nail olub. 37-ci dəqiqədə Veysəl Rzayev tovuzluları hesabda önə çıxarıb. Fəqət birinci hissənin son dəqiqələrində rəqib müdafiəçi Andrev Qravilyonun qolu ilə yenidən hesabda tarazlıq yaranıb. İlk yarı 2:2 bərabərliklə yekunlaşıb.

İkinci yarıda isə Aleks Souzanın qoluyla tovuzlular önə keçib. Ancaq oyunun sonucu dəqiqələrində Edvard Miçut cərimə meydançası kənarından vurduğu baxımlı qolla yekun hesabı müəyyənləşdirib - 3:3.

Türkmənistanlı mütəxəssis Kurban Berdıyevin start “11-liy”i belə olub: 1. İvan Konovalov (q), 88. Faiq Hacıyev, 4. Şəhriyar Əliyev (k), 52. Denis Marandiçi, 15. Emanuel Hakman, 44. Rüfət Əhmədov, 9. Kristian da Silva, 10. Xəyal Nəcəfov, 23. Alexandro Serrano, 11. Ayxan Quseynov, 21. Aleks Souza.

Xatırladaq ki, Türkiyədəki birinci yoxlama görüşündə sonuncu mövsümünü elitada keçirən “Pendikspor”la bərabərə (0:0) qalan Turan Tovuz” növbəti, həm də sonuncu sınaq matçını iyulun 25-də 1-ci liqa klubu “Kocaelispor”a qarşı keçirəcək.

KAMAL SƏFƏR