MHL-də son günlər keçirilən oyunlarla bağlı bəzi maraqlı məqamlar var. “Detroyt”un hücumçusu Patrik Keyn çərşənbə axşamı “Reyncers”lə oyunun ilk periodunda Dilan Larkinə məhsuldar ötürmə verdi.

Karyerasında 814-cü dəfə belə ötürmə verən 35 yaşlı hokkeyçu bu göstəricidə Mayk Modanonu (813) qabaqladı. O, MHL-də məhsuldar ötürmələrin sayına görə ABŞ-dan olan oyunçular arasında 2-ci pilləyə yüksəldi. Rekord isə hələ ki Fil Hausliyə məxsusdu (894).

“Vaşinqton” cari mövsümdə ilk qələbəsini (4:2) “Veqas”la oyunda qazandı. Paytaxt klubunun hücumçusu Aleksandr Oveçkin qələbəyə iki qolla töhfə verdi. 2-ci məhsuldar ötürmə rusiyalı ulduzun karyerasına 700-cü belə ötürmə kimi yazıldı. Oveçkin MHL tarixinə 800 və daha artıq qol vuran, eləcə də minimum 700 məhsuldar ötürmə verən 3-cü hokkeyçi kimi düşdü. Ona qədər bu göstəriciyə Ueyn Qretski (894+1963) və Qordi Hou (801+1049) nail olub. 853 qol vuran Oveçkin MHL tarixinin snayperləri siyahısında yalnız Qretskidən geri qalır. Ancaq rusiyalı ulduzun ən azı bu mövsüm kanadalıya çatması real görünmür. “Vaşinqton” yeni mövsümdə üç oyun keçirib, Ovi bu oyunlarda yalnız üç məhsuldar ötürmə ilə yadda qalıb. Oveçkin ardıcıl 3-cü mövsümdü ki, ilk üç oyunda qol vura bilmir.

“Pittsburq” srağagün “Baffalo”nu məğlub etdi. 12-ci dəqiqədə Brayan Rasta məhsuldar ötürmə verən “pinqvinlər”in ulduz forvardı Sidni Krosbi 1600 xal həddinə çatdı. 37 yaşlı kanadalı MHL-də keçirdiyi 1277 oyunda 593 qol vurub, 1009 ötürmə verib. Krosbi 1600 xal həddinə çatan 10-cu hokkeyçidi.
15 oktyabr
Reyncers – Detroyt 4:1 (1:1, 1:0, 2:0)
Monreal – Pittsburq 3:6 (1:2, 2:1, 0:3)
Kolorado – Aylenders 2:6 (1:2, 0:2, 1:2)

16 oktyabr
Karolina – Nyu-Cersi 4:2 (0:0, 2:1, 2:1)
Kolambus – Florida 3:4 (0:0, 2:3, 1:1)
Tampa-Bey – Vankuver 4:1 (1:0, 1:0, 2:1)
Vaşinqton – Veqas 4:2 (1:1, 3:1, 0:0)
Sent-Luis – Minnesota 1:4 (0:1, 0:1, 1:2)
Dallas – San-Xose 3:2 Б (0:0, 2:2, 0:0, 0:0, 1:0)
Neşvill – Sietl 3:7 (2:3, 1:0, 0:4)
Kalqari – Çikaqo 3:1 (1:1, 1:0, 1:0)
Edmonton – Filadelfiya 4:3 ОТ (0:2, 2:1, 1:0, 1:0)

17 oktyabr
Pittsburq – Baffalo 6:5 ОТ (1:3, 2:0, 2:2, 1:0)
Toronto – Los-Anceles 6:2 (3:0, 2:0, 1:2)
Kolorado – Boston 3:5 (1:2, 1:2, 1:1)
Anahaym – Yuta 5:4 ОТ (1:2, 2:0, 1:2, 1:0)

18 oktyabr
Kolambus – Baffalo 6:4 (2:0, 2:3, 2:1)
Detroyt – Reyncers 2:5 (0:2, 1:3, 1:0)
Florida – Vankuver 2:3 ОТ (1:1, 1:1, 0:0, 0:1)
Monreal – Los-Anceles 1:4 (1:1, 0:1, 0:2
Ottava – Nyu-Cersi 1:3 (0:0, 0:2, 1:1)
Tampa-Bey – Veqas 4:3 (2:2, 0:1, 2:0)
Vaşinqton – Dallas 3:2 (0:1, 3:1, 0:0)
Neşvill – Edmonton 2:4 (1:1, 1:2, 0:1)
Sent-Luis – Aylenders 1:0 ОТ (0:0, 0:0, 0:0, 1:0)
Çikaqo – San-Xose 4:2 (2:0, 1:1, 1:1)
Sietl – Filadelfiya 6:4 (1:2, 4:0, 1:2)