''Fənərbaxça''nın müqaviləni yeniləmək istədiyi futbolçulardan biri də Duşan Tadiçdi.

Joze Mourinyonun gəlişindən sonra sağ cinahda oynamağa başlayan serbiyalı ulduz bu mövsüm komandanın ən sabit oyunçularındandı. O, 13 rəsmi oyunda 5 qol, 6 məhsuldar ötürmə ilə fərqlənib. Komandaya meydanda verdiyi faydadan başqa peşəkarlığı və liderlik keyfiyyətləri ilə də seçilən Tadiçin müqavilə müddəti gələn yay başa çatır. Ötən il ''Ayaks''dan ayrılaraq sərbəst futbolçu statusunda ''Fənər''ə gələn 35 yaşlı oyunçu ilə ən qısa müddətdə danışıqlara start veriləcək. Rəhbərliyin ona ya ''1+1'',ya da ''1+2'' illik müqavilə təklif edəcəyi gözlənilir. Amma Tadiçin illik 4 milyon avroluq maaşı bir qədər azaldılacaq.

Türkiyədə çox xoşbəxt olan futbolçunun problemsiz yeni müqaviləyə imza atacağı güman edilir. Tadiç indiyə qədər ''sarı-lacivərdlilər''in heyətində 69 rəsmi oyunda 22 qol, 21 məhsuldar ötürməlik performans sərgiləyib.

ƏLİ