“Fənərbaxça”da bəzi əsas futbolçuların müqavilə müddəti cari mövsümün sonunda başa çatacaq.

Bu üzdən rəhbərlik indidən onlarla anlaşmağa çalışır. Belə futbolçuların başında İrfan Can Kahveci ilə Brayt Osayi-Samuel gəlir. İrfan ötən mövsüm, yəni İsmayıl Kartalın dönəmində karyerasının zirvə nöqtəsinə yüksələrək “Fənər”in liderlərindən birinə çevrilmişdi. Amma Joze Mourinyonun dönəmində bu futbolçu hələ ki əsas heyətə düşməkdə çətinlik çəkir. Buna baxmayaraq, İstanbul nəhəngi onunla müqaviləni yeniləmək istəyir. İrfan Can “Krasnodar”ın da diqqət mərkəzindədi. Amma 29 yaşlı vingerin problem yaratmayacağı, üçillik yeni təklifi qəbul edəcəyi gözlənilir.

Osayi-Samuellə bağlı isə durum bir qədər qarışıqdı. Nigeriyalı futbolçu bu mövsüm zədə üzündən komandaya istənilən qədər fayda verə bilmir. Ümumiyyətlə, müdafiənin sağ cinahı bu mövsüm “Fənər”də axsayır. Osayi-Samuelin yoxluğunda bütün yük Mərt Müldürə düşür ki, onun da ümidləri tam doğrultduğunu söyləmək olmaz. Bu üzdən “Fənər”in qışda həmin mövqeni gücləndirəcəyi gözlənilir. Osayi-Samuel hələlik yeni müqavilə ilə bağlı təklifi geri çevirib. Baxmayaraq ki, rəhbərlik artıq onunla iki dəfə görüşüb. 26 yaşlı nigeriyalı futbolçu 1,8 milyon avroya bərabər olan illik maaşının ən azı 2,5 milyon avroya qaldırılmasını tələb edir.

Bundan başqa, İngiltərə klublarının maraq dairəsində olması üzündən də o, yeni müqaviləyə imza atmağa tələsmir. Ona ən ciddi maraq göstərən klub isə çempionşip təmsilçisi “Norviç”di. Bu klubun baş məşqçisi Karlton Palmer son açıqlamasında bunları deyib: