“Peşəkar Futbol Liqası peşəkarlıqdan kənar fəaliyyət göstərir. Biz hələ “Qəbələ” ilə matçın dəqiq tarixini bilmirik. Rəsmi saytda təqvim 23-25 oktyabr qeyd olunub. Futbolda hər saat önəmlidi. Neçə gün istirahət etməliyik? Matça hazırlaşmaq üçün nə qədər vaxtımız var? Həftəlik proqramımızı necə tərtib edək? Bilinmir. Futbolçular da insandı. Yüklənmələr az və ya çox olanda fəsadları olur. Konkret təqvim bilinməlidi ki, ona görə hərəkət edək. Həqiqətən çox qeyri-peşəkar yanaşma var. Mən UEFA-da çalışıram. Bilirəm ki, məsələn, İngiltərədə nəinki həftəlik, aylıq planlar əvvəlcədən, heç olmasa, günlərə əsasən elan olunur”.

“Təqvimin və oyunların vaxtının gec açıqlanmasına səbəb 1-ci və 2-ci liqa yarışlarında təmsil olunan klubların stadion problemi yaşamasıdı. Bura elə “İmişli” də daxildi. Biz “İmişli”nin ev oyununu harda keçirəcəyini müəyyənləşdirməkdə çətinlik çəkirik. Belə olan təqdirdə necə aylıq planı verə bilərik? Baş məşqçinin İngiltərə premyer-liqasından nümunə gətirməsinə ehtiyac yoxdu. Elə öz premyer-liqamıza baxsalar, hər şeyin bir ay öncədən bəlli olduğunu və cüzi dəyişikliklər istisna olmaqla, mövsümün sonunadək belə davam etdiyini görərlər. Ola bilər, son məğlubiyyətdən sonra rəhbərlik Fərid Namazovun çemodanını bir az yaxınına gətirib deyə əsəbləşib”.