“Biz 2010-cu ildən bəri11-ci sektorda legionerlərə qarşı olmuşuq. Milli ruhun olmsı üçün millidə yalnız bu torpaqlardan çıxan futbolçular oynamalıdı. Yığmamızda hazırda milli ruh yoxdu. Paltardəyişmə otağında hər kəs fərqli dildə danışır. Millimiz BMT yığmasına bənzəyir. Belə olan halda hansı uğurdan və millidən söhbət gedə bilər? Milli komanda son səviyyədi. Hər uşağın arzusudu ki, gələcəkdə millidə oynasın. İndiyə qədər belə sərt reaksiya göstərmirdik. Ancaq Eminin əlindən kapitanlığın alınıb, Bədaviyə verilməsi səbrimizi daşırdı. Onsuz da komanda son 5-6 oyunda uduzub. Belə olanda bunu etmək biz azarkeşlərə hörmətsizlik və təhqirdi ki, “sizi saymırıq, mövqeyiniz maraqlı deyil”. Mən millinin azarkeş qrupunun rəhbəri kimi komandanın kapitanı ilə tərcüməçi vasitəsilə danışmalıyam? Bu çox tragikomik vəziyyətdi, bizə təhqirdi. Hazırda bizim qrupumuzda vəziyyət gərgindi. Azarkeş qrupumuzun 70 faizi “boykot” istəyir. Ancaq mən yenə də bayrağımıza görə komandanı tək qoymaq istəmirəm. Tələbimizi elan etmişik. Bədavi Estoniya ilə oyunda da kapitan kimi meydana çıxarsa, matçdan sonra qurultayimizi toplayaraq gələcəkdəki mövqeyimiz barədə qərar verəcəyik”.