“Bizim üçün çox fərq etmir. 2010-cu ildən indiyə kimi 11-ci sektoru özümüzə məskən seçib, "qurd yuvası" adlandırmışıq. Həmişəki kimi öz doğma sektorumuzda yerimizi tutub, milli komandamızı dəstəkləyəcəyik.Yığmamızda milli ruh görmürük və dəstəyimizlə onlara milli ruhu aşılamağa çalışacağıq. Yalniz bu milli ruh təktərəfli aşılana bilməz. Bunun üçün komandada bayrağını və vətənini sevən futbolcular oynamalıdı. Mükafat və pul uğrunda milli komandada oynayan, dilimizi bilməyən, himnimizi oxumayan legionerlərin ölkəmizi təmsil edən milli komandada yeri yoxdu. "Sector 11" qurulandan bəri də legionerlərə qarşı olmuşuq və indi də qarşıyıq. Milli komandamızın güclü olmadığını bilirik. Ancaq biz qaçmayan və erkən təslim olan futbolçular görmək istəmirik.

Futbolçularımız meydanda dizləri qanayana və nəfəsləri kəsilənə kimi mübarizə apardıqlarını göstərdikləri təqdirdə dəstəyimiz daim onlarladı. Ancaq o mübarizəni görmədiyimiz anda azarkeşin qəzəb və nifrəti ilə qarşılaşmağı göz önünə almalıdılar. Heç kim öz dəyərli vaxtından, pulundan keçib 90 dəqiqə meydanda yeriyən, qaçmayan, mübarizə aparmayan futbolçuları görmək üçün stadiona gəlmir və gəlmək də istəmir. Ümid edirəm ki, futbolçularımız Slovakiya qarşısında bunu anlayaraq döyüşəcəklər. Rəqibin fərqi yoxdu. Önəmli olan inam, mübarizə və milli ruhdu”.