“Millimizin kapitan sarğısını fərqli-fərqli futbolçuların qolunda görürük. Emin, Abbas, Bədavi... Mən Bədavidə liderlik qabiliyyətinin olduğunu düşünürəm. Uğursuzluq olan kimi müxtəlif problemləri qabardırlar. İndi də komandanın liderinin olmadığını deyirlər. Adətən, uduzanda belə olur. Bədavi “Qarabağ”da da kapitan kimi oynayır. Emin də illərlə “Neftçi”nin kapitanı olub. Məncə, məğlubiyyətlərin lidersizliklə əlaqəsi yoxdu. Bu, mənim fikrimdi. Bədavi kapitanlıq vəzifəsinin öhdəsindən gəlir. “O kapitandı deyə komanda uğursuz çıxış edir” iddialarıyla razılaşmıram. Bəzi azarkeşlərin narazılıq etməsi normaldı. Bədavi həm millidə, həm də “Qarabağ”da həmişə yüksək səviyyədə çıxış edib. Onu “milliləşdirilmiş” futbolçu kimi görmürəm. Fikrimcə, Bədavi elə yerli futbolçudu. Millimizin problemləri başqadı. Ötən il də həmin futbolçular millinin uğurları üçün çalışırdı. Bəs onda niyə belə söhbətlər yox idi? Sadəcə, məğlubiyyətlər bəzilərində sual yaradır. Lidersizlik mövzusunda ilişib qalmamalıyıq. Daha böyük problemlərimiz var. İndi həmin çatışmazlıqları həll etməliyik”.