Pol Poqbanın “Yuventus” ilə müqaviləsinin qarşılıqlı razılıq əsasında pozulacağı gözlənilir.

Dopinqdən istifadə etməsinə görə 4 illik cəzaya məruz qalan fransalı futbolçuya verilən sanksiyanın müddəti 18 aya endirilib. Buna baxmayaraq, İtaliya klubu onun xidmətində maraqlı deyil.

Son xəbərlərdə Polun karyerasında ilk dəfə vətənində oynaya biləcəyi qeyd edilir. Dünya çempionunun xidmətində “Marsel” maraqlıdı. Poqbanın artıq Fransa klubu ilə ilkin danışıqlar apardığını “AS” qəzeti xəbər verib.

Qeyd edək ki, peşəkar karyerası boyunca “Yuventus” və “Mançester Yunayted”də oynayan 31 yaşlı Pol rəsmi oyunlarda gələn ilin martından iştirak edə bilər.