Oktyabrın 10-də Cənubi Amerikada DÇ-2026-nın seçmə turnirinin qrup mərhələsinin 9-cu turuna start verildi. Liderlər qrupundakı Argentina və Kolumbiya yığmalarının büdrəməsi diqqəti daha çox cəlb etdi.

Venesuelanın Maturin şəhərində keçirlən matçdan bir neçə saat əvvəl güclü yağış yağmışdı. Su içində olan qazonda qonaq argentinalıların necə texnikalı oyun sərgiləyəcəyi sual doğururdu. Zədə səbəbindən bir neçə aylıq fasilədən sonra yığmaya qayıdan Messinin 13-cü dəqiqədə yerinə yetirdiyi cərimə zərbəsini qapıçı qaytardı, topa daha tez çatan Otamendi isə hesabı açdı. Amma 36 yaşlı müdafiəçinin qolu Paraqvay və Braziliya ilə matçlardan fərqli bu dəfə Argentinaya qələbə gətirmədi. Cəzalı olan Emiliano Martinesin yoxluğunda qapını qoruyan Rulyi bir neçə dəfə komandasını xilas etsə də, 65-ci dəqiqədə Rondonun baş zərbəsinin qarşısını ala bilmədi.

Əvvəlki matçda Argentinanı məğlub edən (2:1) Kolumbiyanın Boliviyaya səfəri uğursuz alındı. Məkan amilinin meydan sahiblərinə kömək etdiyini deyə bilərik. Güclü kolumbiyalılar dəniz səviyyəsindən 4100 metr yüksəklikdə yerləşən Alto şəhərində keçirilən matçda özlərinə bənzəmədilər. Boliviya 20-ci dəqiqədə Kuelyarın qırmızı vərəqə almasına görə uzun müddət azlıqda oynadı. Buna baxmayaraq, Terserosun 2-ci hissədə vurduğu qol komandasına əzmkar qələbə qazandırdı. Bununla da Kolumbiya cari seçmə turnirdə ilk dəfə məğlub oldu.

Seçmə mərhələni qeyri-sabit keçirən Braziliya yığması bu dəfə qələbə qazandı. Beşqat dünya çempionu Çiliyə qarşı oyunda Alisson, Militao, Neymar və Vinisius Junior kimi aparıcı oyunçulardan zədə üzündən yararlana bilməsə də, rəqibini 2:1 heabıyla üstələməyi bacardı. Dorival Juniorun çalışdırdığı Braziliya Ekvadorun Paraqvayla ev oyununda büdrəməsindən (0:0) yararlanaraq 5-ci yerdən 4-ə qalxdı.

Cənubi Amerika
qrup mərhələsi, 9-cu tur
Venesuela – Argentina 1:1 (0:1)
Venesuela: Romo, A.Qonsales, Osorio, Ferraresi, Aramburu, Rinkon (Kadis, 59), Soteldo, Y.Errera, Xose Martines (Kastilyo, 90+3), Rondon, Savarino (Maçis, 59).
Argentina: Rulyi, Talyafiko, Otamendi, Pesselya, Molina, De Paul, Lo Çelso (Balerdi, 68), E.Fernandes (Paredes, 78), Almada (Montyel, 46), Messi, X.Alvares (Lautaro Martines, 85).
Qollar: Otamendi, 13 (0:1). Rondon, 65 (1:1).
Vərəqələr: Xose Martines, 32. Pesselya, 90+4 - sarı.
Hakim: Qustavo Texera (Uruqvay).
10 oktyabr. Maturin.

Boliviya – Kolumbiya 1:0 (0:0)
Boliviya: Viskarra, Akin, Xose Saqredo, M.Suares, Medina, Kuelyar, R.Vaka, Mateus (Terrasas, 80), Terseros (Pas, 68), Alqaranyas (Miranda, 80), Çura (Vilyamil, 31).
Kolumbiya: K.Varqas, S.Aryas, Borxa, Lukumi, Ditta, Xames Rodriges, Uribe (Rios, 46), C.Aryas (Asprilya, 63), Kastanyo (Lerma, 63), R.Martines (Kordoba, 23), L.Dias (X.Ernandes, 78).
Qol: Terseros, 58.
Vərəqələr: Kastanyo, 51. Miranda, 90+3 - sarı. Kuelyar, 20 – qırmızı.
Hakim: Vilton sampayo (Braziliya).
10 oktyabr. Alto.

Ekvador – Paraqvay 0:0
Ekvador: Qalindes, Estupinyan (Ramires, 77), Feliks Torres, Paço, İnkapye, Franko, Presyado (Sarmyento, 46), M.Kaysedo, Paes (Minda, 46), Valensiya (Yeboa, 77), Plata (Kampana, 66).
Paraqvay: X.Fernandes, Q.Qomes, Alderete, Balbuena, X.Kaseres, Sandes (Arsamendiya, 83), Almiron (K.Romero, 75), Kubas, Ensiso (R.Sosa, 67), Bobadilya (Vilyasanti, 76), Arse (Pitta, 67).
Vərəqələr: M.Kaysedo, 32. Sandes, 83 - sarı.
Hakim: Rafael Klaus (Braziliya).
10 oktyabr. Kito.

Çili – Braziliya 1:2 (1:1)
Çili: Kortes, Maripan, Eçeverriya, Kuşçeviç, Qaldames (Morales, 65), Loyola, Paves (Alarkon, 76), D.Valdes (Q.Tapya, 76), Osorio, E.Varqas (K.Palasios, 76), Davila (Sepeda, 59).
Braziliya: Ederson, Danilo, Markinyos, Qabriel Maqalyans, Abner (Martinelli, 85), Lukas Paketa (Jerson, 46), Andre (Bruno Gimaraynş, 46), Rafinya, Rodriqo, İqor Jezus (Endrik, 76), Savinyo (Luis Enrike, 68).
Qollar: E.Varqas, 2 (1:0). İqor Jezus, 45+1 (1:1). Luis Enrike, 89 (1:2).
Vərəqələr: Lukas Paketa, 3. Qaldames, 40. Danilo, 62, Loyola, 72 - sarı.
Hakim: Dario Errera (Argentina).
10 oktyabr. Santyaqo.

Peru – Uruqvay oyunu gec başa çatıb.

1. Argentina 9 6 1 2 13-5 19
2. Kolumbiya 9 4 4 1 9-6 16
3. Uruqvay 8 4 3 1 13-5 15
4. Braziliya 9 4 1 4 11-9 13
5. Ekvador (-3) 9 4 3 2 6-4 12
6. Boliviya 9 4 0 5 11-15 12
7. Venesuela 9 2 5 2 7-8 11
8. Paraqvay 9 2 4 3 2-3 10
9. Çili 9 1 2 6 5-14 5
10. Peru 8 0 3 5 2-10 3

Bombardirlər: D.Nunyes (Uruqvay) – 5, De la Krus (Uruqvay), L.Dias (Kolumbiya), Messi, Otamendi (hər ikisi Argentina), Rodriqo (Braziliya), Rondon (Venesuela), Terseros (Boliviya) - 3.