Tur cümə günü “Auqsburq”un Münhenqladbax “Borussiya”sını evə əliboş yola salması ilə start götürdü.

Dortmund “Borussiya”sının üzvü Niko Şlotterbekin “Auqsburq”da oynayan qardaşı Kevin ötən mövsümün əvvəlindən bəri bundesliqada artıq 7 qol vurub və bu müddət ərzində turnirin ən məhsuldar müdafiəçisidi.

Tur bir sıra sürprizlərlə əlamətdar oldu. Əsas sürpriz, heç şübhəsiz, Leverkuzendə qeydə alındı. Tura sonuncu pillədə daxil olan “Holştayn” “Bayer-04”dən ilk 8 dəqiqədə iki top buraxarkən hər kəs meydan sahiblərinin asan qələbə qazanacağını düşünürdü. Amma debütant özündə güc taparaq kiçik bir möcüzə reallaşdırdı və hər iki qolun əvəzini çıxdı! Son çempion mövsümün əvvəlini qeyri-sabit keçirməkdə və önəmli xalları sağa-sola paylamaqda davam edir. Daha bir gözlənilməz nəticə Berlində qeydə alındı. Ötən həftəiçi ÇL-də “Seltik”ə 7 qol vuran “Borussiya” bu dəfə “Union”a boyun əydi. Nuri Şahinin komandası da eynilə “Bayer-04” hələ ki qeyri-sabit təsir bağışlayır. Ötən tur səfərdə “Frayburq”u 3 cavabsız qolla məğlub etməklə diqqət mərkəzinə düşən debütant “Sankt Pauli” bu dəfə eyni hesabla evdə “Maynts-05”ə boyun əydi. “Frayburq” isə Bremen səfərindən minimal qələbə ilə döndü. Hesabat turu iddialılardan yalnız “Leyptsiq” üçün uğurlu alındı.

“Öküzlər” çətinliklə də olsa, səfərdə “Haydenhaym”ın müqavimətini qıra bildilər. Ötən həftəiçi ÇL-də evdə “Yuventus”dan 3 top buraxan Marko Rozenin komandası bundesliqada ardıcıl 4-cü qarşılaşmada qapını toxunuımaz saxladı. “Leyptsiq” bu qələbə ilə birgünlüyə liderliyi ələ keçirdi.
Turun əsas oyunu Frankfurtda keçirildi. Liderlərin duelində “Bavariya” “Ayntraxt”ın qonağı oldu. Bu komandaların şəxsi oyundan öncə ilk iki pillədə qərarlaşmasına sonuncu dəfə 1993/94 mövsümündə təsadüf olunmuşdu.

Proqnozlaşdırıldığı kimi, oyun baxımlı və məhsuldar alındı. İlk yarıda komandalar hərəyə bir dəfə hesabda önə keçdilər və fasiləyə 2:2-lıik bərabərliklə yollandılar. Maraqlıdı ki, qonaqların hər iki qolunu mərkəz müdafiəçiləri vurdu. İkinci hissəyə böyük üstünlüklə başlayan Münhen nəhəngi dərhal 3-cü qolu vurdu. Amma “Ayntraxt” bu mövsümdəki yüksəlişinin təsadüf olmadığını göstərdi və əzmkarlıq nümayiş etdirərək son anlarda məğlubiyyətdən qurtuldu. Qəribədi ki, Marmuşun vurduğu bərabərlik qolundan öncə top iki dəfə “Ayntraxt”lı oyunçuların əlinə dəysə də, hakim qolu qeydə aldı. Beləliklə, “rekordmayster” ardıcıl 3-cü rəsmi oyunda qələbəyə həsrət qaldı və vahid lider statusunu itirdi. ÇL-in digər iştirakçısı “Ştutqart” da fanatlarını sevindirə bilmədi. Şvabiyalılar “”Hoffenhaym”la ev oyununda 1 xala şükür etdilər.

6-cı tur
Ayntraxt F – Bavariya 3:3
Marmuş, 22; 90+4. Ekitike, 35 – Kim Min Çje, 15. Upamekano, 38. Olise, 53. (58000)
Ayntraxt: Santos, Kristensen, Tuta, Kox, Teate, Larsson (Götse, 75), Skiri (Mahmud Dahud, 46), Knauff (Bahoya, 75), Çaibi (Can Uzun, 80), Ekitike (Ebimbe, 66), Marmuş.
Bavariya: Noyer, Gerreyro, Kim Min Çje, Upamekano (Dayer, 90), Devis, Kimmix, Pavloviç (Palyinya, 90+1), Olise (Laymer, 90), Müller, Qnabri (Koman, 66), Keyn (Tel, 72).

Union – Borussiya D 2:1
Foqt, 26-p. Vertessen, 45 – Ryuyerson, 62. (22012)
Borussiya: Kobel, Kouto, Anton, N.Şlotterbek, Ryuyerson (Bensebayni, 86), Əmrə Can (Zabitser, 76), Qross (Nmeça, 63), Bayer, Brandt, Gittens (Malen, 63), Girassi.

Bayеr-04 – Holştayn 2:2
Bonifeys, 4. Hofmann, 8 – Qeşvill, 45+5. Arp, 69-p. (30210)
Bayer-04: Qradetski, Frimponq (Adli, 79), Ta, Andrix (İnkapye), Tapsoba, Qrimaldo, Palasios (Qarsiya, 70), Caka, Hofmann (Terrye, 60), Virts, Bonifeys (Şik, 70).

Haydenhaym – Lеyptsiq 0:1
Openda, 59. (15000)
Leyptsiq: Qulaçi, Klostermann, Orban, Lukeba, Raum (Qeertruyda, 69), Vermeeren (Zayvald, 69), Aydara (Henrixs, 83), Nusa, Simons (Baumqartner, 76), Şeşko (Poulsen, 76), Openda.

Ştutqart – Hoffеnhaym 1:1
Demiroviç, 90+9 – Jandre, 44. (58000)
Ştutqart: Nübel, Levelinq (Voltemade, 73), Çeys, Şabo, Ruo (Vaqnoman, 46), Mittelştadt, Karazor (Fürix, 46), Ştiller, Miyo (Rider, 73), Ture (Demiroviç, 62), Dəniz Undav.
Hoffenhaym: Baumann, Jandre, Akpoquma, Stax, Dreksler (Çaves, 15), Prass, Qrillitş, Bişof (Umut Tohumcu, 62), Bülter (Yurasek, 73), Hlojek (Moerştedt, 62), Kramariç (Tabakoviç, 73).

Verder – Frayburq 0:1
Doan, 75. (41200)

Auqsburq – Borussiya M 2:1
K.Şlotterbek, 38. Klod-Moris, 65 – Klayndinst, 72. (30660)

Bohum – Volfsburq 1:3
Boadu, 72 – Tomaş, 21. Vind, 37; 88. (24630)

Sankt Pauli – Maynts-05 0:3
Burkardt, 5; 62. Zib, 16. (29546)

1. Bavariya 6 4 2 0 20-4 14
2. Leyptsiq 6 4 2 0 9-2 14
3. Ayntraxt F 6 4 1 1 14-9 13
4. Frayburq 6 4 0 2 9-7 12
5. Bayer-04 6 3 2 1 16-12 11
6. Union 6 3 2 1 6-4 11
7. Borussiya D 6 3 1 2 12-11 10
8. Ştutqart 6 2 3 1 15-11 9
9. Haydenhaym 6 3 0 3 10-8 9
10. Maynts-05 6 2 2 2 11-10 8
11. Verder 6 2 2 2 8-12 8
12. Volfsburq 6 2 1 3 13-12 7
13. Auqsburq 6 2 1 3 9-15 7
14. Borussiya M 6 2 0 4 7-10 6
15. Sankt Pauli 6 1 1 4 4-9 4
16. Hoffenhaym 6 1 1 4 10-16 4
17. Holştayn 6 0 2 4 9-19 2
18. Bohum 6 0 1 5 6-14 1

Bombardirlər: Marmuş (Ayntraxt F) – 8, Keyn (Bavariya), Burkardt (Maynts-05), Demiroviç (Ştutqart) – 5.

Növbəti turun oyunları oktyabrın 18-20-si aralığında keçiriləcək: Bayеr-04 – Ayntraxt F, Bavariya – Ştutqart, Borussiya M – Haydenhaym, Frayburq – Auqsburq, Hoffеnhaym – Bohum, Borussiya D – Sankt Pauli, Holştayn – Union, Maynts-05 – Lеyptsiq, Volfsburq – Verder.

Turun rəqəmi
275 – “Union”un “Borussiya”nı məğlub etdiyi oyunda penaltidən fərqlənən Foqt çox qəribə və tarixi bir seriyaya son qoydu. O, bundesliqada 275 oyundan sonra ilk dəfə qol sevinci yaşadı! Maraqlıdı ki, 33 yaşlı futbolçu turnirdə son qolunu 2014-cü il oktyabrın 18-də “Köln”ün heyətində yenə də “Borussiya” ilə oyunda vurmuşdu. Foqt bununla da antirekorda son qoydu. Buna qədər bundesliqa tarixində sahə oyunçuları arasında ardıcıl 275 oyunda fərqlənə bilməyən futbolçu olmamışdı.

Turun ulduzu
Omar Marmuş (Ayntraxt F) – misirli forvard mövsümün əvvəlində sanki qanad açıb uçur. Ardıcıl 2-ci dəfə onu turun ulduzu seçirik. Avqustun 31-dən başlayaraq Marmuş komandasının heyətində keçirdiyi 7 rəsmi oyunda artıq 9 qol vurub. “Bavariya” ilə oyunda dubl etməklə qollarının sayını 8-ə çatdıran və bombardirlər yarışındakı liderliyini möhkəmləndirən 25 yaşlı futbolçunun hesabında həm də 4 məhsuldar ötürmə var. Yəni o, 6 turdan sonra 12 qolun vurulmasında yaxından iştirak edib. XXI əsrdə yalnız Levandovski 2020/21 mövsümündə ilk 6 turda bundan daha çox (13) qolun vurulmasında yaxından iştirak edib.

Turun sitatı
Vensan Kompani, “Bavariya”nın baş məşqçisi: