Türkiyənin hakimlik camiəsində yaşanan böyük qalmaqalla bağlı yekun qərar açıqlandı.

Ötən mövsümün gedişində ''instaqram''dakı bir səhifədə Orhan Erdemir adlı hakim-inspektor və Elif Karaarslan adlı qadın hakimin cinsi əlaqə zamanı çəkilən görüntüləri yayılmışdı. Hakimlik və futbol camiəsində böyük ajiotaja səbəb olan həmin görüntülərin ardından Türkiyə Futbol Federasiyası onların hər ikisini ömürlük cəzalandırmışdı. Amma 61 yaşlı Orhan Erdemir ilə 24 yaşlı Elif Karaarslan yazılı şəkildə özünü müdafiə edərək bu qərarın dəyişməsi üçün Apellyasiya Komitəsinə şikayət etmişdilər.

1 ilə yaxın davam edən araşdırmadan sonra AK yekun qərarını açıqladı. Bu komitə də onların hər ikisinin hakimliyin nüfuzuna xələl gətirdiyi qənaətinə gəldi və səs çoxluğu ilə TFF-nin qərarı qüvvədə saxlanıldı. İddialara görə daha öncə superliqa matçlarında da hakim kimi çalışmış Orhan Erdemir bu qalmaqaldan sonra ailəsini itirib. Elif Karaarslan isə indiyə qədər də videodakı xanımın o olmadığını iddia edir. O son paylaşımında bunu sübut etmək üçün hüquqi cəhətdən bütün yollara baş vuracağını bildirib.

Gənc hakim TFF ilə heç bir müqaviləsinin olmadığını və yalnız özəl matçlarda yan xətt hakimi qismində dəvət aldığını qeyd edib. Amma bu olay onun populyarlığını birəbeş artırıb.

Gözəlliyi ilə seçilən və daha öncə futbolla məşğul olan Elif Karaarslanın hazırda ''instaqram''da 375 minə yaxın təqibçisi var.

ƏLİ