Elif Elmas qış “transfer pəncərəsi” dövründə “Napoli”ni tərk edəcək.

Yarımmüdafiəçi “Leyptsiq”ə keçəcək. Tanınmış insayder Fabritsio Romanonun məlumatına görə, Almaniya klubu 24 yaşlı oyunçu üçün “Napoli”yə 25 milyon avro ödəyəcək. Şimali Makedoniya millisinin oyunçusu dekabrın sonlarında yeni klubu üçün tibbi müayinədən keçəcək.

“Napoli”də 2019-cu ildən çıxış edən Elif bu mövsüm bütün turnirlərdə 16 matçda meydana çıxıb və 2 qol vurub.