Final mərhələsi gələn ilin iyununda keçiriləcək qadınlar arasında basketbol üzrə Avropa çempionatının seçmə mərhələsində yığmamızın oyun qrafiki dəyişib.

Noyabrın 7-də Bakıda Polşanı qəbul etməli olan yığma bu matçı Polşanın Sosnoviç şəhərində yerləşən “Arena Sosnoviç”də keçirəcək. Əvəzində isə gələn il fevralın 9-da millimiz Bakıda Polşanı qəbul edəcək. Noyabrın 10-da Bakıda Litva ilə keçirilməsi nəzərdə tutulan görüş də “Arena Sosnoviç”də gerçəkləşəcək.

Qeyd olunan dəyişikliklər noyabrda ölkəmizin BMT-nin İqlim Dəyişmələri üzrə Çərçivə Konvensiyasının Tərəflər Konfransına (COP29) evsahibliyi etməsi ilə bağlıdı.