Qadınlardan ibarət 3x3 basketbol üzrə milli komandamız Avropa Kubokunun seçmə mərhələsində yarımfinala yüksəlib.
"Football-plus.az" xəbər verir ki, yığma Kiprin Limassol şəhərində keçirilən yarışın qrup mərhələsinin son oyununda İrlandiyanı üstələyib.

Rəqibini 16:10 hesabı ilə məğlub edən qadınlar iyunun 18-də yarımfinal matçına çıxacaqlar.

Kişilərdən ibarət millimiz isə qrupdakı ikinci qarşılaşmasında yerli Cənubi Kipr seçməsinə 11:22 hesabı ilə uduzub.

Yığma qrupda sonuncu oyununu iyunun 18-də keçirəcək. Bakı vaxtı ilə saat 12.15-də start götürəcək görüşdə rəqib Lüksemburq olacaq.