“İngiltərə təmsilçisi 2022/23 mövsümünü 8-ci pillədə başa vurduğundan avrokuboklardan kənarda qaldı. Komanda bununla sonuncu dəfə 2008/09 “futbolı ili”ndə baş verən uğursuzluğu təkrarladı. Ange Postekoğlu ötən mövsümə daha uğurlu başlamışdı. Onun komandası premyer-liqanın ilk 5 turundan sonra 2-ci pillədə idi. Bu dəfə “mahmızlar” 10-cu pillədə ilişib. Yenə də “Totenhem” ötən həftə azarkeşlərini sevindirdi. Komanda Liqa kubokunda “Koventri”ni (2:1), premyer-liqada “Brentford”u məğlub etdi (3:1). Odu ki, komanda Avropa Liqasına yüksək əhval-ruhiyyə ilə başlayır. Eyni durumu, təbii ki, “Qarabağ”a da aid etmək olar. “Köhlən atlar” premyer-liqada liderdi. Üstəlik ən yaxın izləyicisi “Sabah”dan bir xal öndə olmaqla yanaşı, bir oyun az keçirib. Həmçinin Masazır təmsilçisiylə eyni sayda (16) qol vurub. Qurban Qurbanovun komandası ÇL-nin təsnifat mərəhələsində rəqib torlarını 15 dəfə silkələyib ki, “Ludoqorets”lə əylənib. Kollektivin ötən mövsüm “Bayer-04”ün məğlubiyyətsizlik seriyasını qırmağa iki dəfə yaxınlaşdığını da unutmamalıyıq. Sadəcə, həmin oyunlarda Patrik Şik “Qarabağ”ın qatili kimi çıxış etdi. Beləliklə, bütün məqamlar Londondakı döyüşün darıxdırıcı olmayacağını göstərir”.