“Əvvəlcə Uilson Odober, Rişarlison və Ced Spensin komandaya kömək edə bilməyəcəyini xatırladaq. Bu sırada Kristian Romero da var. Ona görə ki, mərkəz müdafiəçisi qırmızı vərəqə cəzalısıdı. Bununla yanaşı, “Tottenhem” “Qarabağ”ın qarşısına akademiyasının yetirmələriylə çıxa bilər. Artıq onlardan beşinin adları bəllidi. Söhbət Mayki Mur, Vill Lankşear, Alfi Dorrinqton, Tirese Holl və Dante Kassanovadan gedir. Təbii ki, siyahını uzatmaq olar. Əldə etdiyimiz məlumata görə, Postekoğlu Maksvell Maknayt, Maeson Kinq və hiyləgər cinah oyunçuları Damola Ajayi, Yusuf Akramriç və Oliver İrovunun da fiziki və psixoloji hazırlıq durumlarıyla maraqlanır. Adı çəkilən oyunçuların start heyətində və ya ehtiyat oyunçular skamyasında yer alıb-almayacağı oyundan əvvəl keçiriləcək sonuncu məşqdən asılıdı”.