Postekoğlu rotasiya etmək istəmir, Son Hın Min "Qarabağ"a ciddi yanaşacaq!
"Qarabağ" sabah saat 23.00-da Avropa Liqasının liqa mərhələsinin 1-ci turunda "Tottenhem"in qonağı olacaq.
"Football-plus.az" xəbər verir ki, "mahmızlar"ın baş məşqçisi Ange Postekoğlu və kapitanı Son Hın Min oyunöncəsi mətbuat konfransında iştirak edib. Sizi onların fikirləriylə tanış edirik.
Ange Postekoğlu:
"Yeni mövsümə qədəm qoymuşuq. "Futbol ili" ərzində azı 50 matç oynamaq istəyirik. Bu məqsədlə Avropa Liqasında bacardığımız qədər irəliləyəcəyik. Hər matçda böyük rotasiyalar etmək fikrində deyiləm. "Tottenhem"in ardıcıl qələbələr qazanan heyəti olmalıdı. Bunu formalaşdırmalıyıq. Bizi liqa mərhələsində 8 matç gözləyir. Təbii ki, məqsədimiz bütün oyunlarda qələbə qazanmaqdı".
Son Hın Min:
"Sabah Avropa Liqasında yeni dövrə ilk addımı atacağıq. Bizi qarşıdakı 8 oyun, gərgin mübarizələr və çətin sınaqlar gözləyir. "Qarabağ"a və qalan altı rəqibə çox ciddi yanaşmalıyıq. Məqsədimiz qələbə qazanmaq, hakim tərəfindən cəzalanmamaq və zədələnməmək olacaq. Azarkeşlərimizi keyfiyyətli oyunla sevindirməyə çalışacağıq".
KƏNAN BAHADIR
Digər xəbərlər
