Argentina çempionatının 14-cü turu “Veles Sarsfild” üçün çox düşərli oldu. Lider növbəti qələbəsini qazandı, üç əsas izləyicisi isə uduzdu. Nəticədə “Veles”lə əsas izləyicisi arasındakı xal fərqi 2-dən 5-ə artdı.

12-ci turda topların daha yaxşı fərqinə əsasən bu mövsüm ilk dəfə 1-ci yerə yüksələn “Veles Sarsfild” cari mövsümü zəif keçirən “San Lorenso”nun qonağı oldu. Buenos Ayres derbisində nəticəni yeganə qol müəyyənləşdirdi. Brayan Romeronun vurduğu erkən qol Qustavo Kinterosun komandasının qələbəsi üçün kifayət etdi. Paytaxt klubu çempionatda ardıcıl 4-cü qələbə ilə mövqeyini qorudu. “Veles Sarsfild” uğurlu oyunlar seriyası və əsas rəqiblərinin büdrəməsi ilə liderliyini bir qədər möhkəmləndirdi.

Belə ki, tura liderdən 2 xal geri qalmaqla 2-ci yerdə başlayan “Atletiko Tukuman” məğlub oldu. Əslində Fakundo Savanın komandası üçün “River Pleyt”lə səfər matçının asan keçməyəcəyi məlum idi. Doğrudu, Argentinanın son çempionu bu mövsümü uğursuz keçirir. Buna görə Martin Demiçelisin yerinə təyinat alan Marselo Qalyardonun 2014-22-ci illərdə çalışdırdığı komandaya dönüşü müsbət nəticə verməmişdi: “milyonçular” köhnə-yeni baş məşqçinin rəhbərliyi altında çempionatda keçirdikləri ilk 5 oyunda rəqibləri ilə heç-heçəyə (!) razılaşmışdılar. Nəhayət, “River” bu seriyaya son qoya bildi. “Atletiko Tukuman” hesabı erkən açsa da, meydan sahibləri ilk hissədə iki qol vuraraq fasiləyə üstün durumda yollandılar. Qalyardonun komandası 2-ci hissədə daha yaxşı oynamaqla 4:1 hesablı qələbə qazandı. “River Pleyt” çoxdan gözlənilən bu nəticə ilə 11-ci yerdən 9-a yüksəldi.

Tura hərəyə 24 xalla 3-4-cü yerləri bölüşməklə başlayan komandalar da uduzdular. “İnstituto” səfərdə “Sentral Kordoba”ya 1:2, “Atletiko Urakan” isə “Deportivo Riestra”ya 0:1 hesabıyla məğlub oldu. Məğlublar uyğun olaraq, 4-5-ci pillələrə gerilədilər.

“Talyeres de Kordoba” ilə “Union”un rəqib meydanlarında yalnız 1 xal qazanması daha çox “Rasinq”in işinə yaradı. Avelyanedalılar evdə “Boka Xuniors”dan maksimum xal aldılar. 17-ci dəqiqədə qonaqları önə keçirən Milton Ximenes bu mövsüm 8-ci qolunu vurmaqla bombardirlərin yarışında vahid liderliyi ələ aldı. Amma “Rasinq” qalan vaxtda iki cavabsız qol vuraraq əzmkar qələbə qazandı. Vacib qələbə Qustavo Kostasın komandasını 7-ci yerdən 3-ə yüksəltdi. Bu mövsüm, necə deyərlər, gah nala, gah da mıxa vuran Dieqo Martinesin çalışdırdığı “Boka” isə 8-ci yerdən 10-a gerilədi.

14-cü tur
San Lorenso - Veles Sarsfild 0:1
B.Romero, 4.
River Pleyt - Atletiko Tukuman 4:1
L.Qonsales, 24. Borxa, 38. Mesa, 73. Kolidio, 90+1 – Nikola, 11.
Sentral Kordoba - İnstituto 2:1
Kabral, 48. K.Vaskes, 85 – Q.Rodriges, 39.
Deportivo Riestra - Atletiko Urakan 1:0
X.Errera, 71-p.
Rosario Sentral - Talyeres de Kordoba 2:2
Malkorra, 30-p.; 60-p. – Katalan, 4. Tarraqona, 88.
Lanus - Union 1:1
Bou, 23-p. – Pitton, 54.
Rasinq - Boka Xuniors 2:1
Nardoni, 21. R.Martines, 81 – M.Ximenes, 17.
Belqrano - İndependyente 1:1
Xara, 71 – Montyel, 46.
Tiqre - Ximnasiya 1:1
Qalvan, 49 – Briasko, 37.
Estudiantes - Platense 1:1
Askasibar, 40 - Pelleqrino, 3.
Qodoy Krus – Sarmyento 1:1
Barrea, 36 – E.Lopes, 27.
Arxentinos Xuniors - Nyuellz Old Boyz 3:0
Leskano, 18. X.Errera, 37; 74.
İndependyente Rivadaviya - Defensa y Xustisiya 1:0
Franko Romero, 7-p.
Barrakas Sentral - Banfild 0:1
D.Dias, 51.

1. Veles Sarsfild 14 9 3 2 27-8 30
2. Atletiko Tukuman 14 7 4 3 15-12 25
3. Rasinq 14 7 3 4 20-11 24
4. İnstituto 14 7 3 4 20-12 24
5. Atletiko Urakan 14 6 6 2 12-7 24
6. Talyeres de Kordoba 14 6 6 2 20-16 24
7. Union 14 6 6 2 15-11 24
8. Deportivo Riestra 14 7 1 6 15-15 22
9. River Pleyt 14 5 6 3 19-11 21
10. Boka Xuniors 14 5 6 3 19-14 21
11. Ximnasiya 14 6 3 5 16-14 21
12. Rosario Sentral 14 5 4 5 17-15 19
13. Lanus 14 4 7 3 18-19 19
14. Qodoy Krus 13 4 6 3 14-12 18
15. Belqrano 14 4 6 4 15-17 18
16. İndependyente Rivadaviya 14 5 3 6 9-13 18
17. Estudiantes 14 4 5 5 15-14 17
18. Tiqre 14 4 5 5 18-19 17
19. İndependyente 14 3 8 3 9-10 17
20. Arxentinos Xuniors 14 5 2 7 11-16 17
21. Platense 14 4 4 6 12-14 16
22. Sarmyento 14 3 6 5 10-12 15
23. Banfild 14 3 5 6 11-17 14
24. San Lorenso 13 3 4 6 11-13 13
25. Nyuellz Old Boyz 14 3 4 7 6-15 13
26. Defensa y Xustisiya 14 2 5 7 10-22 11
27. Sentral Kordoba 14 2 4 8 13-24 10
28. Barrakas Sentral 14 1 5 8 5-19 8

Bombardirlər: M.Ximenes (Boka Xuniors) – 8, Akino (Veles Sarsfild), Borxa (River Pleyt), Pelleqrino (Platense), Bartissiotto (Talyeres de Kordoba), B.Romero (Veles Sarsfild) - 7.