Argentina çempionatının 13-cü turunda qeydə alınan nəticələrdən sonra ikihakimiyyətlilik pozuldu. Bunun səbəbi tura şərikli lider kimi başlayan komandaların fərqli nəticələr göstərməsi ilə bağlı oldu.

“Veles Sarsfild” əvvəlki turda özündən yuxarıdakı rəqiblərinin büdrəməsindən maksimum yararlanaraq topların daha yaxşı fərqinə əsasən bu mövsüm ilk dəfə 1-ci yerə yüksəlmişdi. Qustavo Kinterosun komandası bu dəfə “İndependyente Rivadaviya”nın qapısından 4 cavabsız top keçirməklə mövqeyini qorudu. Paytaxt klubu çempionatda ardıcıl 3-cü qələbəsini qazandı. “Veles Sarsfild” uğurlu oyunlar seriyası və əsas rəqibinin büdrəməsi ilə vahid liderliyiə də nail oldu.
Belə ki, tura şərikli lider kimi başlayan “Atletiko Urakan” evdə “Tiqre”dən bir xal belə ala bilmədi. Frank Kudelkanın komandası iki cavabsız top buraxmaqla ardıcıl ikinci oyunda büdrədi. Ümumiyyətlə, 12 oyunluq məğlubiyyətsiz seriyası qırılan “Atletiko Urakan”ın son həftələr enişdə olduğu diqqətdən yayınmır. Uğursuz oyunlar paytaxt komandasını 2-ci yerdən 4-ə saldı.

Əsas izləyicisi “atletlər”in büdrəməsindən maksimum yararlandı. Tura 3-cü yerdə başlayan “Atletiko Tukuman” evdə “Rasinq”ə minimal hesabla qalib gəldi. Vacib qələbə Fakundo Savanın komandasının 2-ci yerə yüksəlməsinə şərait yaratdı.
“Union”un evdə “Deportivo Riestra”dan yalnız bir xal alması bir qədər gözlənilməz oldu. Qonaq komanda bu mövsüm ilk dəfə rəqibi ilə heç-heçəyə razılaşdı. İki xal itkisi santa feliləri 4-cü yerdən 6-ya saldı.

“Boka Xuniors” evdə “Rosario Sentral”a 2:1 hesabı ilə qalib gəldi. Çətin qələbə Dieqo Martinesin komandasının 8-ci yerdəki mövqeyini dəyişmədi.

Ölkənin digər nəhənginin vəziyyəti “Boka”nınkından çox da fərqlənmir. “River Pleyt”də baş məşqçi dəyişikliyi hələ ki müsbət nəticə vermir. Argentinanın son çempionunu uğursuz starta görə tərk edən Martin Demiçelisin yerinə təyinat alan Marselo Qalyardonun 2014-22-ci illərdə çalışdırdığı komanda rəqibi ilə yenə “sülh bağladı”. “Milyonçular” bu dəfə səfərdə “İndependyente” ilə qolsuzluğa razılaşdılar. Çempion hətta rəqibin 12-ci dəqiqədən sonadək on nəfərlə oynamasından belə yararlana bilmədi. Ardıcıl beşinci heç-heçə “River”in 11-ci yerdə qalmasını qaçılmaz etdi.

13-cü tur
Veles Sarsfild - İndependyente Rivadaviya 4:0
B.Romero, 19. Elias Qomes, 29. Pitsini, 68. Santos, 76.
Atletiko Urakan - Tiqre 0:2
Armoa, 22. Monson, 78.
Atletiko Tukuman - Rasinq 1:0
Tesuri, 30.
Union - Deportivo Riestra 0:0
Banfild – İnstituto 1:2
Qarate, 70 – Puebla, 45+1; 90+5.
Talyeres de Kordoba - Estudiantes 1:0
Botta, 44.
Boka Xuniors - Rosario Sentral 2:1
Lema, 4. Agirre, 15 – Kampas, 90+3.
İndependyente - River Pleyt 0:0
Sarmyento – Lanus 0:0
Nyuellz Old Boyz - Belqrano 0:0
Defensa y Xustisiya - Barrakas Sentral 1:0
Qonyi, 23-öz qapısına.
Platense - San Lorenso 1:2
Pelleqrino, 38-p. – Legisamon, 18-p. İrala, 64.
Ximnasiya - Arxentinos Xuniors 1:0
De Blasis, 90-p.
Qodoy Krus - Sentral Kordoba 1:1
Abreqo, 30 - Florentin, 72.

1. Veles Sarsfild 13 8 3 2 26-8 27
2. Atletiko Tukuman 13 7 4 2 14-8 25
3. İnstituto 13 7 3 3 19-10 24
4. Atletiko Urakan 13 6 6 1 12-6 24
5. Talyeres de Kordoba 13 6 5 2 18-14 23
6. Union 13 6 5 2 14-10 23
7. Rasinq 13 6 3 4 18-10 21
8. Boka Xuniors 13 5 6 2 18-12 21
9. Ximnasiya 13 6 2 5 15-13 20
10. Deportivo Riestra 13 6 1 6 14-15 19
11. River Pleyt 13 4 6 3 15-10 18
12. Rosario Sentral 13 5 3 5 15-13 18
13. Lanus 13 4 6 3 17-18 18
14. Qodoy Krus (-3) 12 4 5 3 13-11 17
15. Belqrano 13 4 5 4 14-16 17
16. Estudiantes 13 4 4 5 14-13 16
17. Tiqre 13 4 4 5 17-18 16
18. İndependyente 13 3 7 3 8-9 16
19. Platense 13 4 3 6 11-13 15
20. İndependyente Rivadaviya 13 4 3 6 8-13 15
21. Sarmyento 13 3 5 5 9-11 14
22. Arxentinos Xuniors 13 4 2 7 8-16 14
23. San Lorenso 12 3 4 5 11-12 13
24. Nyuellz Old Boyz 13 3 4 6 6-12 13
25. Banfild 13 2 5 6 10-17 11
26. Defensa y Xustisiya 13 2 5 6 10-21 11
27. Barrakas Sentral 13 1 5 7 5-18 8
28. Sentral Kordoba 13 1 4 8 11-23 7

Bombardirlər: Akino (Veles Sarsfild), M.Ximenes (Boka Xuniors) – 7, Bartissiotto (Talyeres de Kordoba), Borxa (River Pleyt) – 6.