“Nə qədər ki, “Neftçi” yollamayıb, özü üzüsulu getsə, yaxşı olar” – Emin Mahmudova məsləhət
Roman Qriqorçuk Emin Mahmudova qətiyyən güvənmir. Baş məşqçi “Qarabağ”la oyundan sonrakı mətbuat konfransında onu nəinki birinci, heç üçüncü kapitan kimi də görmədiyini bildirdi.
İndi Eminin iki yolu var: ya taleyi ilə barışıb müqavilə müddətinin sonuna qədər gözləmək, ya paytaxt klubun tərk etmək?
Bu sualı “Neftçi”nin veteran futbolçusu, həm də kapitanı olmuş Mahir Şükürova ünvanladıq. Onun “Football-plus.az”a cavabı belə oldu:
“Baş məşqçinin qərarına hörmətlə yanaşmaq lazımdı. Emin isə, məncə, oynayacağı kluba getsə, yaxşı olar. Artıq bu qərar verilibsə, deməli, rəhbərlik səviyyəsində müzakirə olunub. Klubda hörmətini itirib. Hörmət olmayan yerdə qalmağın mənası yoxdu. Nə qədər ki, “Neftçi” özü yollamayıb, özü uzüsulu getsə, yaxşı olar. Onsuz da klub bunu düşünür ki, bəlkə özü getsin. Bu yaşda bir də gördün əvəzedici heyətə göndərdilər. Bu da futbolcu üçün ayıbdı. İkinci variant odu ki, bununla da karyerasını “Neftçi”də bitirsin”.
RÖYANƏ OĞUZ
Digər xəbərlər
