"Komandanın lideri ilk növbədə bunun fərqinə varmalı, məsuliyyətli olmalıdı. Baş məşqçi kapitana tapşırıq verirsə, təbii ki, buna əməl olunmalıdı. Emin Mahmudovun hərəkəti kapitana yaraşmayan, məsuliyyətsiz davranış idi. Çünki bu hərəkət sonda komandanın məğlubiyyəti ilə nəticələndi. Mən demirəm ki, penaltini Emin özü vursaydı, mütləq qol olacaqdı. Amma istənilən halda məşqçinin qərarına əməl etmək lazımdı. Burda Eminin davranışına heç cür haqq qazandırmaq olmaz. Ona görə də Santuşun cəzası başadüşüləndi. Tam normal prosesdi. Bu Emin Mahmudova bir dərs olmalıdı. Çünki hər yerindən duran qalxıb desə ki, Emin icazə ver penaltini mən vurum, Emin də ürəyiyumşaqlıq edib “hə, gəl sən vur” desə, bu çaxnaşma yaradacaq. Kapitan məşqçinin tapşırıqlarını yerinə yetirməli, komandaını arxasınca aparacaq fiqur olmalıdı. Emin isə İsveçlə oyunda həmin fiqur rolunu oynaya bilmədi. Ümid edirəm ki, bu Emin üçün dərs oldu və qarşıdakı oyunlarda belə hallarla qarşılaşmarıq".