“Kəpəz”də komandayla bağlı islahatlara start verilib.

“Football-plus.az” xəbər verir ki, “sarı-göylər”in baş məşqçisi Azər Bağırov sabiq çalışdırıcı Adil Şükürovun formalaşdırdığı heyətin bəzi üzvlərindən narazıdı. Mütəxəssis bu barədə klub rəhbərliyini də məlumatlandırıb.

Azər bəy bir neçə legionerin əvəzedici heyətə göndərilməsini və yerinin yeni transferlərlə doldurulmasını istəyir. O, tezliklə bəyənmədiyi və “Kəpəz”də görmək istədiyi futbolçuların adlarını rəhbərliyə təqdim edəcək. Beləliklə, klub transfer çalışmalarını sürətləndirəcək.

Xatırladaq ki, gəncəlilərin indiki heyəti Adil Şükürovun seçimləri əsasında formalaşdırılıb.

KƏNAN BAHADIR