PFL-dən inqilabi yenilik: 1-ci liqanın bütün oyunları göstəriləcək
Bu gün aşağı dəstədə yeni mövsüm start götürdü.
Premyer-liqa oyunları qədər olmasa da, bu oyunlara da maraq var. Peşəkar Futbol Liqası bir müddət öncə bildirmişdi ki, artıq yeni mövsümdə aşağı liqadakı oyunların bəziləri peşəkar formatda yayınlana bilər. Yəni elita komandalarının oyunu necə şərh edilirsə, o cür də olacaq.
Layihənin ilk turdan reallaşıb-reallaşmayacağını öyrənmək üçün PFL-ə sual ünvanladıq . Qurumun media və marketinq direktoru Sənan Abdullayevin "football-plus.az"a açıqlaması:
“Bütün oyunlar yayınlanacaq. Hər həftə çalışacağıq ki, bir oyunu PFL-in tam canlı yayın heyəti ilə birlikdə təşkil edək. Yəni bura 3 kameradan istifadəsi, eyni zamanda şərhçi tətbiq olunması daxildi. Hər dəfə bir oyun üçün bunu reallaşdırmağa çalışacağıq. "Karvan" - "Qaradağ-Lökbatan" matçından başlayacağıq. Hər şey proselərin axarından asəlıdı. Bu həftə "Qəbələ" - "Zaqatala" oyunu "CBC Sport" vasitəsilə efirə veriləcək. Digər matçlar isə PFL-in tək kameralı, amma şərhçisiz texnikası vasitəsilə yayınlanacaq. Bütün matçlar canlı olacaq”.
RÖYANƏ OĞUZ
Digər xəbərlər
