3 həftə “istirahət edəcək”

“Barselona”nın zədəli futbolçusu Fermin Lopesin durumuna aydınlıq gəlib.

"Football-plus.az" xəbər verir ki, 21 yaşlı yarımmüdafiəçi bud əzələsinin zədələnməsi səbəbindən təxminən 3 həftə meydana çıxa bilməyəcək. Onun La Liqada “Jirona” və “Vilyarreal”, Çempionlar Liqasında isə “Monako” ilə oyunları buraxacağı xəbər verilib.

Qeyd edək ki, Fermin Paris Olimpiadasında çempion olan İspaniyanın olimpiya millisinin heyətində meydana çıxdığı 6 matçda 6 qol vurub və 2 məhsuldar ötürmə edib.