Sabah millimiz Millətlər Liqasının qrup mərhələsinin 1-ci turunda İsveçi qəbul edəcək.

Bu gün qonaqların açıq məşqi baş tutub. Daha sonra baş məşqçi Yon-Dal Tomasson oyunöncəsi mətbuat konfransında jurnalistlərin suallarını cavablandırıb.

- Millidə keçirdiyiniz dörd oyundan üçündə məğlub, birində qalib olmusuz. İndi komandada nəyisə dəyişə bilmisiz?
- Yeni başlamışıq. Gündən-günə daha yaxşı oynayırıq. Bu nəticələrin başqa səbəbi də fərqli oyunçuları sınaqdan keçirməyimizdi. Önəmli olan odu ki, düzgün istiqamətdəyik. Sabah mütləq qalib gəlməliyik. Komandamdan istək, emosiya gözləyirəm. Futbolçular qürurla çıxış etməlidi. Millidə oynayırlar. Soyuqqanlı olmaq və düzgün qərarlar vermək lazımdı. Oyuna maksimum köklənməliyik. Hazırda heyətə çağırdığım oyunçuların yaxşı olduğunu düşünürəm.

- Azərbaycan futbolu və Azərbaycan millisi haqda hansı məlumata sahibsiz?
- Rəqibin son dövrə ərzindəki bütün oyunlarını izləmişik. Azərbaycan millisi evdə yaxşı oynayır. Avstriya və Belçika matçlarında demək olar ki, qol buraxmadılar, İsveçi məğlub etdilər (0:3). Sabah belə nəticənin olmaması üçün çalışacağıq. İstəyirik ki, qalib gələk.

- Fernando Santuşun komandaları daim ultramüdafiə olunur. Sabahkı oyunda iki hücumçu ilə oynayacaqsız? Plan necədi?
- Məqsədimiz futbol oynamaqdı. Söhbət daha çox hücumameyilli futboldan gedir. Federasiya ilə danışığımız da belə olub. Mən və komandam bunu istəyirik. Hücumla hər şey bitmir. Gərək düzgün balans tapaq. Kapitan Deyan Kuluşevski olacaq.

- Məşq prosesi necə gedir?
- Bəzi oyunçular milliyə gec qoşuldu. Rəqibin və öz oyunumuzla bağlı müzakirələrimiz olub. Sabah yaxşı futbol oynayıb, oyuna düzgün yanaşmaq istəyirik.

- İsti hava komandaya necə təsir edəcək?
- Sabah soyuq da ola bilərdi. Bunu oyuna təsir edəcək faktor kimi görmürəm.

RÖYANƏ OĞUZ