"Azərbaycan millisi inkişaf edib"
Sabah millimiz AÇ-2024-ün seçmə mərhələsində Avstriyanı qəbul edəcək.
"Football-plus.az" xəbər verir ki, matçdan öncə qonaqların çalışdırıcısı Ralf Ranqnikin mətbuat konfransı keçirilib. Sizi onun fikirləri ilə tanış edirik:
“Məşqlərə intensiv başlamışıq. Öz üzərimizdə işləyirik. Azərbaycan matçda nəyə qadir olduğumuzu göstərəcəyik. Məqsədimiz seçmə mərhələni birinci pillədə başa vurmaqdı. Futboldu, qalib də gələ bilərik, uduza da bilərik. Əsas odu ki, oyunçular ruhdan düşmürlər və yaxşı ab-hava var”.
- Azərbaycan millisi ilə görüş haqda hansı fikirdəsiz? Oyunçuların konsentrasiyası necədi?
- Çətin qrafikimiz var. Komanda uduza da bilər, uda da bilər. Azərbaycan millisi ilə əvvəllər çox da oynamamışıq. Ona görə də onların gücünü elə də yaxşı bilmirik. Amma nəzərə alaq ki, son iki matçda İordaniya və Estoniyanı udublar. Demək ki, Azərbaycan millisi də inkişaf edib, sabah nəyə qadir olduqlarını görəcəyik. Matçdan sonrakı konfransda onların gücü haqda daha konkret nəsə deyə biləcəm.
- Üç oyunda cəmi bir qələbə qazanmısız...
- Bu nəticəyə baxmayaraq, komandada heç bir ruh düşkünlüyü yoxdu. Futbolda hər nəticə baş verə bilər. Əvvəllər qalib gəlirdik. Belçikaya uduzmuşuqsa, o demək deyil ki, ruh düşkünlüyü var.
Digər xəbərlər
