Türkiyə çempionatında 4-cü tura cümə günü Kadıkoydə start verildi.

''Alanyaspor'' ötən mövsüm ''Ülkər''dən 2:2-lik bərabərliklə dönməklə çempionluq yolunda ''Fənərbaxça''ya zərbə vuran komandalardan biri olmuşdu. Amma bu dəfə Antalya təmsilçisi meydanda bir varlıq göstərə bilmədi. Joze Mourinyonun komandası Duşan Tadiçin dublu və Cekonun qolu ilə rəqibini 3:0 darmadağın etdi. İstanbul nəhəngi öz meydanında ardıcıl 4-cü superliqa oyununda qol buraxmadan qələbə qazandı.

Bu, komandanın 2011-dən bu yana ən yaxşı seriyasıdı. Ən əsası ''Fənər'' Türkiyə çempionatında ardıcıl 31-ci oyunda uduzmamaqla (24 qələbə, 7 heç-heçə) tarixinin ən yaxşı göstəricisini təkrarladı. ''Sarı-lacivərdlilər''in bu cür seriyası çempionatda daha öncə mart 1964 - fevral 1965 aralığında olmuşdu.

ƏLİ