''Real''ın yeni transferi Kilian Mbappe xakerlərin qurbanı olub.

Belə ki, fransalı ulduzun ''iks'' (tvitter) hesabı dünən qısa müddətə xakerlər tərəfindən ələ keçirildi. Bundan sonra həmin hesabda qəribə paylaşımlar edildi.

Görünür, həmin xakerlər Kriştiano Ronaldo fanatı imiş. Belə ki, Mbappenin hesabından Lionel Messinin ağlayan şəkli paylaşıldı və altdan da ''Kriştiano Ronaldo bütün zamanların ən yaxşı futbolçusudu. Bu cücə mənim keçim (GOAT) deyil'' ifadəsi yazıldı. Bundan başqa həmin hesabdan bir kriptovalyuta şirkəti də paylaşıldı. Amma çox keçmədən hesab belə desək, azadlığa çıxdı və sahibinə qovuşdu. Bu paylaşımlar isə təbii ki, dərhal silindi.

ƏLİ