Dünən Səudiyyə Ərəbistanı çempionatının 25-ci turunda ''Əl-Nəsr'' doğma meydanda ''Əl-Tai''ni 5:1 hesabı ilə darmadağın etdi.

Matça damğa vuran futbolçu Kriştiano Ronaldo oldu. Portuqaliyalı superulduz ikinci hissədə 23 dəqiqə aralığında hət-trik etdi! Bu, Ronaldonun peşəkar karyerasındakı 64-cü het-trik oldu. Lionel Messinin aktivində isə 57 het-trik var. Amma Ronaldo bu 64 het-trikin 29-da ən azı 1 qolu penaltidən vurduğu halda Messidə belə het-triklərin sayı yalnız 12-di. Bu mövsüm Səudiyyə Ərəbistanı çempionatında keçirdiyi 23 oyuna 26 qol vuran və inamla bombardirlər yarışına başçılıq edən Kriştiano ''Əl-Nəsr''də ümumilikdə 59-cu rəsmi oyunda vurduğu qolların sayını 53-ə çatdırdı (13 məhsuldar ötürmə). Ər-Riyad təmsilçisi Ronaldonun iştirak etdiyi 59 oyunun 43-də, yəni 73 faizində qələbə qazanıb.

ƏLİ