Ərdoğan Kriştiano Ronaldo haqda nə dedi?
Türkiyə prezidenti Rəcəp Tayyip Ərdoğan Ərzurum Atatürk Universitetində “Ədalət və İnkişaf Partiyası”nın keçirdiyi tədbirdə tələbələr və gənclərlə görüşərək onların suallarını cavablayıb.
Football-plus.az xəbər verir ki, Ərdoğana, təbii ki, futbol mövzusunda da suallar verildi. Çünki o həmişə futbola marağı ilə seçilib. Təsadüfi deyil ki, Ərdoğan həyat yoldaşı ilə birlikdə son mundialın finalını izləmək üçün Qətərə yollanmışdı. Finaldan sonra Fransa prezidenti Emmanuel Makronla aralarındakı dialoq, Kilian Mbappenin performansı və uzun illərdi davam edən Leo Messi - Kriştiano Ronaldo müqayisəsi ilə bağlı suallarla qarşılaşan Ərdoğan bunları deyib:
“Makrona, sadəcə, üzülməməsini və Argentinanın layiqli şəkildə çempion olduğunu dedim. Penalti seriyasında möhtəşəm idilər. Messi yaşına rəğmən, hələ də əvvəlki səviyyəsindədi. Mbappenin 23, Messinin 34 yaşı var. Sonda təcrübə yenə də öz sözünü dedi. Argentina uzun illərdən sonra çempion oldu. Xeyirli olsun. Sağ əlləri bizim başımıza. Amma Mbappe də inanılmaz oyunçudu. Gələcəkdə mümkün olan hər şeyi qazanacaq. Artıq futbolun gələcəyi onun əlindədi. Kriştiano Ronaldoya gəlincə, bu turnirdə onu boşuna xərclədilər. Onu qarşı sanki siyasi sanksiya tətbiq edildi! Bu cür futbolçudan 15 dəqiqəlik və ya yarım saatlıq istifadə etmək düzgün deyil. Həm bu, həm də Messinin irəliləməsi Ronaldonun psixoloji durumunu pozdu və enerjisini əlindən aldı. Amma Ronaldo Fələstin müharibəsinə sahib çıxan, mövqeyini ortaya qoyan bir isimdi. Mənə verilən məlumata görə, artıq karyerasını Səudiyyə Ərəbistanında davam etdirəcək”.
