Avqustun 23-25-i aralığında aralığında Libertadores Kubokunun (LK) pley-offunda növbəti mərhələyə start verildi.

“Football-plus.az” xəbər verir ki, Cənubi Amerikanın ən nüfuzlu klub turnirində 1/4 finalın ilk oyunları keçirildi.

Xatırladaq ki, LK-nın ilk pley-off mərhələsi son mövsümün ən yaxşı komandalarının uğursuz çıxışı ilə yadda qalmışdı. Ötən il oktyabrın 29-da keçirilən finalda qarşılaşan “Flamenqo” və “Atletiko Paranaense” mübarizəni 1/8 finalda dayandırmışdı. 1/4 finalda Braziliyanın 3, Argentinanın 2, Boliviya, Kolumbiya və Paraqvayın hərəyə 1 klubu çıxış edir. İlk oyunlar braziliyalıların möhtəşəm nəticəsi ilə daha çox yadda qaldı. Regionun ən böyük ölkəsini təmsil edən hər üç komanda qalib gəldi. “İnternasyonal” Boliviyada “Bolivar”ı bir, “Palmeyras” Kolumbiyada “Deportivo Pereyra”nı dörd, “Fluminense” evdə “Olimpiya”nı iki cavabsız qolla məğlub etdi.
Argentina derbisinə maraq daha çox idi. Olduqca gərgin keçən “Boka Xuniors” – “Rasinq” matçında hesab açılmadı.

1/4 final, ilk oyunlar
Bolivar (Boliviya) - İnternasyonal (Braziliya) 0:1
Valensiya, 16.
Deportivo Pereyra (Kolumbiya) - Palmeyras (Braziliya) 0:4
Rafael Veyqa, 23-p. Markos Roşa, 31. Mayke, 34. Roni, 82.
Fluminense (Braziliya) - Olimpiya (Paraqvay) 2:0
Andre, 43. Kano, 59.
Boka Xuniors (Argentina) - Rasinq (Argentina) 0:0
Dünən start verilən cavab oyunlarına bu gün yekun vurulacaq.
Bombardirlər: Kano (Fluminense), Paulinyo (Atletiko Mineyro) - 7, Pabon (Atletiko Nasyonal) – 6, Artur (Palmeyras), Pons (İndependyente Medelyin) - 5.