Yaxın keçmişin tanınmış türkiyəli futbolçularından olan Oğuzhan Özyakup sürpriz bir qərar qəbul edib.

O, cəmi 31 yaşında karyerasını bitirdiyini açıqlayıb. Oğuzhan bununla bağlı paylaşım edərək son 2 ildə artıq futboldan zövq almadığını və uzun müddət düşündükdən sonra bu qərarı qəbul etdiyini vurğulayıb.

O, bu yay təklif göndərən bütün superliqa klublarına təşəkkürünü bildirərək həyatının sonuna qədər ''Beşiktaş''lı Oğuzhan kimi xatırlanmaq istədiyini qeyd edib. 1992-ci ildə Niderlandda doğulan Oğuzhan ''Alkmaar'' və ''Arsenal''ın akademiyasında yetişib. O, 2012-ci ildə ''Beşiktaş''a gəldikdən sonra populyarlıq qazandı və əsas uğurlarını məhz elə İstanbul nəhəngində əldə etdi. 10 illik ''Beşiktaş'' macərası ərzində 3 çempionluq olmaqla 5 titul qazandı və 310 rəsmi oyuna çıxaraq 35 qol, 62 məhsuldar ötürməlik fayda verdi. Türkiyə yığmasında 43 oyuna çıxaraq 1 qol vuran Oğuzhan son iki mövsümdə isə Niderland təmsilçisi ''Fortuna''nın şərəfini qorumuşdu.

ƏLİ