Niderland çempionatının 6-cı turu çərçivəsində dünən Burak Yılmaz və Oğuzhan Özyakupun şərəfini qoruduğu ''Fortuna'' səfərdə ''Neymegen''lə qarşılaşdı.

İlk 5 turun hamısında məğlub olan ''Fortuna'' ilk xallarını və qələbəsini qazanmağa çox yaxın oldu. Özü də 71-ci dəqiqədə məhz Oğuzhan qonaqları hesabda önə keçirdi. 62-ci dəqiqədə meydana daxil olaraq yeni klubunda debüt edən türkiyəli yarımmüdafiəçi Burak Yılmazın ötürməsindən sonra uzaq məsafədən mükəmməl bir qol vurdu. Amma əsas vaxta əlavə olunmuş 5-ci dəqiqədə rəqibin qoluna mane ola bilməyən ''Fortuna'' yalnız bir xalla kifayətlənməli oldu. Sittard təmsilçisində top qovan daha bir türkiyəli futbolçu – Doğan Ərdoğan 85 və 87-ci dəqiqələrdə aldığı sarı vərəqələrdən sonra meydandan qovuldu. İlk 3 turdakı məğlubiyyətin ardından baş məşqçi Syors Ulti ilə yollarını ayıran ''Fortuna'' bir müddət Burak Yılmazın başçılığı altında məşq keçsə də, hazırda klubu müvəqqəti olaraq Dominik Verqoossen çalışdırır.

Xatırladaq ki, ''Fortuna''nın sahibi türkiyəli iş adamı İşıtan Gündü.