“Səbail” ölkə çempionatlarında özünün ən böyükhesablı qələbə rekordunu təkrarlayıb.

"Football-plus.az" xəbər verir ki, bu, premyer-liqanın 4-cü turunun “Kəpəz”lə ev görüşündə gerçəkləşib. Paytaxt təmsilçisi Gəncə klubunu dörd cavabsız qolla üstələyib.

“Səbail” tarixində ikinci dəfə premyer-liqa matçında 4 top fərqi ilə qalib gəlib. 2018-ci il noyabrın 10-da “Sabah”la qarşılaşmada da 4:0 hesabına sevinən “dənizçilər” həmin vaxt səfərdə qələbə qazanıb. Həmin nəticəni təkrarlayan “Səbail” evdə ən böyükhesablı qələbəsini rəsmiləşdirib.