“Real”ın yarımmüdafiəçisi Cud Bellingem məşq zamanı sağ ayağından zədə alıb.

Gənc futbolçu təxminən bir ay yaşıl meydanlardan uzaq qalacaq. O, bu müddətdə klubuna La Liqada və Çempionlar Liqasında, İngiltərə yığmasına isə Millətlər Liqasının ilk iki oyununda kömək edə bilməyəcək.

21 yaşlı Bellingem “Real”da 2023-cü ildən çıxış edir. O, son mövsümdə bütün turnirlərdə 40 oyuna çıxıb, 23 qol vurub və 12 məhsuldar ötürmə edib.