“Real”ın və İngiltərə yığmasının yarımmüdafiəçisi Cud Bellingem Avropa çempionatı başa çatandan sonra çiynindən əməliyyat oluna bilər.

“Relevo”nun yaydığı xəbərə görə, ötən ilin noyabrında çiyni çıxan Bellingem həmin vaxtdan bəri narahatlıq hiss edir. Ulduz futbolçu bu üzdən xüsusi qoruyucu taxır, həmçinin ağrıkəsici dərmanlar qəbul edir. Xavbek əməliyyat olunacağı təqdirdə ən azı iki ay yaşıl meydandan kənarda qalacaq.

Bellingem 2023/24 mövsümündə “Real”ın heyətində keçirdiyi 42 oyunda 23 qol vurub, 13 məhsuldar ötürmə verib. Sabah başa çatacaq qirə birinciliyində isə 21 yaşlı xavbek 6 oyunda iki dəfə fərqlənib.