“Qəbələ” ilə vacib yoxlama görüşünə çıxdıq. Demək olar ki, yeni gələn oyunçuların hamısı baxışda idi. Əsəsan onları yoxlayırdıq. "Mingəçevir" təlim-məşq toplanışına gec başladığına görə hələ müqavilə məsələlərini tam bitirməyib. Buna görə də oyun məhz müqavilə bağlamaq üçün dəvət etdiyimiz futbolçuları yoxlamaq məqsədi daşıyırdı. Düzdü, rəqib "Qəbələ" idi, premyer-liqadan qayıdan komandadı. Demirəm ki, onları uda bilərdik. Hər kəsə şans verdim deyə, belə böyük hesabla uduzduq. Çempionatda belə səhvlərə yol verməyəcəyik. Bu gün gətirdiyimiz oyunçuları yoxlamaq üçün sonuncu oyuna çıxdıq. Təəssüf ki, iki-üç futbolçunun çıxışını bəyənmədim, onlarla yollarımız ayrılacaq. Burda səhvi görməliydik ki, çempionatda eynisini təkrarlamauyaq. Həm də fərq ondan irəli gəlirdi ki, "Qəbələ" uzun müddətdi təlim-məşq toplanışına başlayıb. Biz isə ayın 1-dən başlamışıq. Bu üzdən başqa komandalara nisbətən daha hazırlıqlıqsızıq. Hələ vaxt var, yəqin ki, biz də fiziki hazırlığı o səviyyəyə çatdırarıq ki, çempionatda həmin səhvlər təkrarlanmasın”.