"Məsələyə geniş çərçivədən baxmaq lazımdı. Təbii ki, Qara Qarayev "Qarabağ"ın yetirməsidi. Aşağı yaş qruplarından tutmuş, əsas komandaya qədər karyerası Ağdam klubunda keçib. 14 il öyrəşdiyin futbolçunun gedişinə inanmaq, alışmaq çətindi. İstərdik ki, "Qarabağ" da qalsın və karyerasını burda bitirsin. Amma şəxsən mən Qaranın Rusiya, Türkiyə klublarına keçməsinə daha çox razı olardım nəinki əzəli rəqibə üz tutmasına. Amma yenə də qərarı verən futbolçudu.

Başqa prizmadan məsələyə baxsaq, azarkeş olaraq daim komandamızın inkişafını arzulayırıq. Bunun da təmin olunmasında əsas məsələ baş məşqçinin idarəçiliyi və siyasətidi. Ona görə də Qurban Qurbanovun qərarlarına hörmət etməliyik. Qaranın mövqeyində rəqabət də güclü idi. Qurban müəllim ona yox, hazırlıqlı legionerə və daha gənc futbolçuya şans verirsə, təbii ki, Qara ehtiyatda qalacaqdı. O, daim oynamaq istəyir, bu da normal və haqlı istəkdi. Odu ki, maksimum çox şans qazanacağı yeni komanda tapması normaldı. Amma yenə də onun əzəli rəqibimizə keçməsini istəməzdik. Ancaq bu, Qara Qarayev kimi futbolçunu gözümüzdən salmır. Ona həm insan, həm qarabağlı, həm də futbolçu kimi hörmətimiz olub, var və olacaq. Gələcək karyerasında uğurlar arzu edirəm".