“Fanatlar indidən məni Bekhem, İbrahimoviç və Cerrard ilə müqayisə edir? Bununla yalnız fəxr edə bilərəm. Onların hamısı futbolda iz buraxıblar. Daha sonra isə “Los Anceles Qalaksi”yə gələrək burda da öz oyunları ilə fanatları sevindiriblər. Mən də onların yolu ilə getmək istəyirəm. Ən böyük hədəfim burda çempion olmaqdı. Bundesliqada qalmaq şansım var idi. Amma özüm üçün artıq qərar vermişdim ki, Almaniyada qalmaq istəmirəm. Avropada qalmaq variantını, ümumiyyətlə, müzakirə etmədim. Çünki karyeramın sonuna yaxın artıq yeni macəraya atılmaq, yeni bir ölkəni kəşf etmək istədim. Elə ailəm üçün də bu yenilik tam yerinə düşdü. Messi? Xeyr, mənə heç bir mesaj göndərməyib. İndiyə qədər yığma və klub səviyyəsində ona qarşı 2-3 dəfə oynamışam. Yenidən onunla üz-üzə gəlmək maraqlı olacaq. ABŞ-da oynamaq və yaşamaq mənim üçün yeni fürsətlər açır. Əlimə özümü başqa ölkədə sübut etmək, eləcə də təhsil almaq və yeni şeylər ilə tanış olmaq fürsəti düşüb. “Los Anceles Qalaksi” rəsmiləri mənlə çox tez əlaqə qurdular. Hər şey dərhal xoşuma gəldi. Danışıqlar prosesi çox uğurlu şəkildə davam etdi. Bu, mənim üçün yeni təcrübə oldu. ABŞ-da yaşamağın nəyi pisdi? Burda bir insanın məşğul ola biləcəyi çox şey var. Təbii ki, qərarımı verərkən bütün bunları nəzərə aldım. Ona görə də çox düşünməyimə ehtiyac qalmadı. Bundesliqanın ən çox nəyi üçün darıxacam? İlk növbədə “Siqnal İduna Park”ın atmosferi üçün. Uzun illər hər həftə 80 min azarkeşin önündə oynayırdım. Dünyada bu dərəcədə səs-küylü, hər ev oyununa bu qədər insan toplaşan başqa stadion yoxdu. Stadionumuz üçün çox darıxacam. Həm də bundesliqada belə təəssürat yaranırdı ki, hər oyunda stadionun dörd bir tərəfində səni dəstəkləyən insanlar var. Hətta səfər oyunlarında da. MLS-də bu baxımdan vəziyyətin necə olduğunu bilmirəm. Qısa müddət ərzində bunu öyrənmiş olacam. Ümumilikdə Almaniya futbolu üçün darıxacam. Orda stadionlardakı atmosfer dünyada çox nadir ölkələrdə var”.