Misli premyer-liqasının 3-cü turunda “Kəpəz”lə qarşılaşan "Turan Tovuz" böyükhesablı qələbə qazandı - 3:0.

“Football-plus.az” xəbər verir ki, “bozqurd”un baş məşqçisi Kurban Berdıyev oyundan sonra keçirilən mətbuat konfransında jurnalistlərin suallarını cavablandırıb:

- Artıq 3-cü oyundu ki, Tural Bayramlı 70-80 ci dəqiqələrdə əvəzlənir. Bunun səbəbi fiziki hazırlığının səviyyəsidi?
- Fiziki cəhətdən hazırdı. Lakin digər furbolçulara şans vermək üçün belə addım atmaq lazımdı.

- Bu oyun Qərb derbisi sayılır. Derbi ab-havası hiss olunurdu?
- Bəli.

- Dediniz ki, razı qalmadığım məqamlar oldu. Nədən razı qalmadız?
- Hər şeydən əvvəl futbolçularımın psixoloji yanaşmasından narazıyam. Hesab artıq 2:0 olandan sonra rahatlaşdılar. Ona görə deyirəm ki, üzərində işləməli olduğumuz məqamlar var.

- Komanda bu vaxta qədər 4 qol vurub və qol buraxmayıb. Bu əlavə motivasiya verir? Nə vaxta qədər belə davam edəcək?
- Futbolçularla müzakirələr zamanı səhvlərinin çox olduğunu deyirik.

- Avrokuboklarda iştitak edən komandaların oyunları təxirə salınır. Təcrübəli mütəxəssis kimi buna münasibətiniz necədi?
- Hər şeydən əvvəl Azərbaycan futbolunun marağı düşünülməlidi.

- Artıq 2 oyundu ki, qolları müdafiəçi və yarımmüdafiəçilər vurur. Hücum xətti zəifdi. Otto Con isə yüzfaizlik qolu boşa verdi. Komandaya yeni hücumçu cəlb olunacaq?
- Əslində Aleks Souza var. Bəzi məqamlarda Con problemlər yaşayır. Amma ötən mövsüm 10 qol vurub. Bu daha çox mənim üzərimə düşən məsələdi.

- Komanda oyundan-oyuna artırır. Bu nə qədər davam edəcək? Beyninizdəki komandanın neçə faizi hazırdı?
- Hələ yolun əvvəlindəyik və çox işləməliyik. Hücumda və müdafiədə problemlərimiz var. Hələ ki, fikir bildirmək tezdi.

- Ayxan Hüseynovun əsas heyətə düşməməyində əsas məsələ nədi? Yəni öz mövqeyində rəqabətə uduzur yoxsa legioner limitinə görə?
- Bəli, legioner sayıldığına görə əsas heyətə düşməkdə çətinlik çəkir. Məşqlərdə özünü yaxşı tərəfdən göstərir. Ancaq belə alınır.

KAMAL SƏFƏR