Yaxın keçmişin tanınmış futbolçularından olan Mark van Bommel artıq məşqçilik sahəsində də sözünü deməyə başlayıb.

“Football-plus.az” xəbər verir ki, 46 yaşlı niderlandlı mütəxəssis hazırda Belçika təmsilçisi “Antverpen”i çalışdırır. Bu klub həftəsonu 1957-dən bəri ilk çempionluğu qazanmağa çox yaxındı.

Bu arada Vam Bommellə bağlı Niderland mətbuatında maraqlı bir xəbər peyda olub. Hadisə ötən ilin oktyabrında baş veribmiş. Axşam saatlarında maşını ilə evinə qayıdan məşqçi öz həyətlərinin parkinq yerində bir nəfərin hücumuna məruz qalıbmış. Kimliyi bilinməyən şəxs əvvəlcə Van Bommelin üzünə işıq salandan sonra əlindəki tapança ilə ona hədə-qorxu gəlməyə başlayıb. Böyük qorxu yaşayan və təşvişə düşən məşqçi maşını arxaya verməyə başlayıb. Bu zaman onun maşını həyətdə dayanmış “Mersedes”lə toqquşub. Hər iki maşına ziyan dəyib. Hay-küy yarandığını və işlərin plan üzrə getmədiyi görən silahlı şəxs hadisə yerindən qaçıb. Təbii ki, Van Bommel dərhal hadisə ilə bağlı polisə məlumat verib. Polislər onun maşınında xüsusi “AirTag” cihazı aşkarlayıblar. Hücum edən şəxs həmin cihazı əvvəlcədən maşına yapışdıraraq Van Bommelin hansı istiqamətdə getdiyini və sonda da onun evini müəyyənləşdirib. Amma polislər məhz həmin cihazın sayəsində əvvəlcə hücum edən şəxsin telefon nömrəsini, sonra da özünü tapıblar.
Məlum olub ki, hücum edən şəxsin adı Camaleh Habandı. O, yaşının 17 olduğunu iddia etsə də, polislər onun yaşının 25 olduğunu müəyyənləşdiriblər. İşi aparan tədqiqatçılar əvvəlcə bunun sıradan bir oğurluq hadisəsi olduğunu düşünürdülər. Amma sonradan ortaya qəribə və ağlasığmaz faktlar çıxdı. Camaleh Habanın telefonunda səs yazısı aşkarlandı. Həmin səs yazısını o, Van Bommeli qorxudaraq ona dinlətmək istəyirmiş. Hər şey sonradan bəlli oldu. Sən demə, Haban oğru deyilmiş. O, hədə-qorxu yolu ilə “Antverpen”in oyunçusuna çevrilmək arzusunda idi və klubun ona rəsmi təklif irəli sürməsini istəyirdi!

Ərəb dilində olan həmin səsli mesajda bunlar qeyd olunmuşdu:

Davam edən məhkəmə prosesində Van Bommelin vəkili bildirib ki, bu hadisədən sonra o, yaşadığı qorxu üzündən evdə gecələmir və yalnız oteldə qalır. Vəkil qarşı tərəfdən psixoloji zərbənin kompensasiyası kimi 5 min avro tələb edir. Amma Van Bommel tək bununla kifayətlənmək istəmir. O, Camaleh Habanın 5 illiyə həbs olunmasını tələb edir. Beləcə, futbolçu olmaq istəyən şəxs sonda cinayətkar oldu.