“Həqiqətən də hazırda çempionataımızda “Qarabağ”la ayaqlaşası hansısa klub yoxdu. Büdcə baxımından “Neftçi”, “Sabah” və “Zirə” vəziyyəti yaxşı da olsa, heç birinin “Qarabağ”la başabaş mübarizə aparacağına inanmıram. Düşünürəm ki, elə yenə də Ağdam təmsilçisi çempion tituluna yiyələnəcək. Eyni zamanda, ölkə kubokunu da götürəcəyini hesab edirəm. Doğrudu, iki tura əsaslanıb bunları demək risklidi. Çünki qarşıda hələ 34 tur var. Ancaq “köhlən atlar”la mübarizə apara biləcək komandaların oyunlarına baxdıqda bu nəticəyə gəlmək mümkün olur. Əlbəttə, “Zirə” də yeni mövsümə çox yaxşı başlayıb. Fəqət “Qarabağ”ın həm heyət genişliyi, həm də futbolçu keyfiyyəti, məncə, sözünü deyəcək. Bu üzdən də cari mövsüm üçün yenə ağdamlıların çempion olacağını düşünürəm”.