“Linkoln”a qarşı mübarizə aparan “Qarabağ” yox, “Zirə”, “Sabah”, “Sumqayıt” da olsaydı, qalib ayrılıb növbəti mərhələyə keçəcəklərindən əminəm. “Linkoln”dan qat-qat güclü rəqib olan “DAC 1904”ə “Zirə” ev oyununda 4:0 hesabıyla qalib gəldi. Yəni “Qarabağ”ın “Linkoln”a hər iki oyunda qalib gəlməsi Azərbaycan çempionatından daha üstün səviyyədə olmasının göstəricisi deyil. “Qarabağ” yeni mövsümdə ötən mövsümdəki kimi rahatlıqla çempion olacaqmı” sualını cavablamaqda tərəddüd edirəm. Çünki, həm “Neftçi”, həm “Sabah”, həm də “Zirə” heyətini gücləndib. Bu üzdən qarşıdakı “futbol ili”nin “Qarabağ” üçün heç də asan keçməyəcəyi açıq-aşkar görünür. Bəli, hələ də növbəti mövsüm üçün çempionluğa əsas namizəd “Qarabağ”dı. Çünki digər komandalar nə qədər heyətini gücləndirsə də, yeni oyunçuların komandaya uyğunlaşması müəyyən zaman alacaq. Bu müddət də 1-2 aylıq deyil. Bəlkə də illərlə vaxt lazımdı ki, ən yaxşı hallarına çatsınlar. Əslində “Qarabağ”la rəqabət aparan klublarımızın ən böyük problemlərindən biri də budu ki, bir məşqçi uzun müddət bir komandada işləmir. Gördüyümüz odu ki, digər komandalar da büdcələrini artırıb və güclənməyə başlayıb. Bu da “köhlən atlar”ın yeni mövsümdə çətinlik çəkəcəyinin bir işarəsidi. Ən azı iki-üç komandanın çempionluq uğrunda mübarizə aparacağını gözləyirəm. Hər halda, böyük təcrübəyə malik “Qarabağ” çempionatın əsas favoriti sayılır”.

“Hesab edirəm ki, Qurban Qurbanovun yetirmələrinin bu mövsüm ÇL-nin qrupuna düşmək üçün yetərincə potensialı var. Əlbəttə, qarşılaşacağı rəqiblərdən də çox şey asılıdı. Pley-offda güclü komandalarla qarşılaşsalar, onda işləri çətinə düşə bilər. Fəqət indiki heyət ÇL-də iştirak şansını artırır”.