“Deməzdim ki, qalan klublar zəifdi. Hazırda 2-3-cü yerlər uğrunda gedən mübarizə son həftəyə kimi liqaya marağı saxlayacaq. Mövsümün təqviminə baxsaq, ilk 10 turda “Qarabağ”ın xal itirdiyi oyunlar var. Məsələn, “Zirə”, “Səbail” və “Araz-Naxçıvan”la oyunlarda məğlubiyyət, “Kəpəz” və “Turan Tovuz”la oyunlarda heç-heçələr daha çox avrokubokların seçmə mərhələsi və qrup oyunları dövründə idi. Heyətin dərinliyi və oturuşmuş sistem komandanın zamanında formasının pik həddinə çıxmasına kömək etdi. Rəqiblərin bəzilərində önəmli mövqelər üzrə heyət dəyişiklikləri, bəzilərində isə məşqçi dəyişikliyi komandaların çıxışına təsirsiz ötüşmədi. Yaxşı olar ki, digər klublar da məşqçi və ya oyunçular ilə yola çıxanda orta və uzunmüddətli planlar qursunlar, bu, həm vahid oyun üslubunun yaranması, həm də daha gərgin və mübarizə dolu mövsüm baxımından yaxşıdı”.