''Beşiktaş'' Əmir Haciahmetoviçlə yollarını ayırıb.

Baş məşqçi Covanni van Bronxorst Bosniya və Herseqovina yığmasının üzvünə əsas heyət üzvü gözü ilə baxmırdı. Bu üzdən 27 yaşlı yarımmüdafiəçi daimi oyun praktikasına malik olacağı bir kluba yollanıb. O, qarşıdakı mövsümü icarə əsasında ''Çaykur Rizəspor''da keçirəcək.

Qeyd edək ki, karyerasına ''Jelezniçar''da start verən Haciahmetoviç Türkiyədə uzun illər ''Konyaspor''un şərəfini qoruyub. ''Beşiktaş'' onu 2022/23-ün qış transfer dönəmində 3,2 milyon avroya həyətinə qatmışdı. Bu futbolçu bu ilin yanvarında diz bağlarından zədə almış və ötən mövsümün ikinci dövrəsində komandasına yardım edə bilməmişdi.

Haciahmetoviç ''ağ-qaralar''ın heyətində 42 rəsmi oyuna çıxaraq 1 qol, 8 məhsuldar ötürməlik performans sərgiləyib.

ƏLİ