Joao Felişin gələcək taleyi hələ də qeyri-müəyyəndi. 24 yaşlı portuqaliyalı futbolçu heç cür özünə yeni klub tapa bilmir. Son AÇ-də Fransaya qarşı 1/4 finalda oyunsonrası penalti seriyasında məhz onun qeyri-dəqiqliyi Portuqaliyanın məğlubiyyətinə səbəb olmuşdu.

Bu olaydan sonra futbol dünyasında onsuz da elə də çox sevilməyən futbolçu bir qədər də nüfuzdan düşmüşdü. Feliş müqavilə ilə “Atletiko”ya məxsus olsa da, son illəri fərqli klublarda keçirib. O, icarə əsasında 2022/23-ün ikinci dövrəsində “Çelsi”nin, ötən mövsüm isə “Barselona”nın şərəfini qoruyub. Kataloniya nəhəngi bu futbolçunu daimi əsasda transfer etmək istəmədiyindən Feliş “Atletiko”ya qayıtmalı olub. Amma klubda heç kimin onu görən gözü yoxdu. Çünki ötən yay portuqaliyalı ulduz “Barselona”da oynamaq həmişə ən böyük arzum olub” deyəndən sonra onun “Atletiko”da oynamaq istəmədiyi məlum olmuşdu.

Əvvəlcə belə güman edilirdi ki, Feliş özünə yeni klub tapana qədər fərdi şəkildə məşq edəcək. Amma bir müddət öncə Dieqo Simeone gözlənilmədən onun komanda ilə məşqlərdə iştirakına icazə verdi. Feliş hətta bugünlərdə yoxlama oyununda iştirak edərək qol da vurdu. “Atletiko”nun səfərdə “Xetafe”ni 3:1 məğlub etdiyi hazırlıq oyununda start heyətində meydana çıxan futbolçu fasilə ərəfəsində komandasının 2-ci qolunun müəllifi oldu. Amma onun oyunboyu hər topa toxunuşunda “Atletiko” fanatları tərəfindən fitə basılması və söyüşlərə qərq edilməsi diqqətlərdən qaçmadı. Hətta həmin oyundan sonra vəziyyət o qədər gərgin idi ki, Feliş stadionu komandanın avtobusunda yox, şəxsi maşınında tərk etməli olmuşdu. Bu arada onun “Benfika”ya mümkün qayıdışı da, çox güman, baş tutmayacaq. Çünki Lissabon nəhəngi “Atletiko”nun tələb etdiyi 60 milyon avroluq təzminatı ödəmək istəmir. Dünən Simeone ispaniyalı həmkarlarımızla söhbətdə onun durumuna toxunaraq bunları deyib: