Feliş: “Qızıl top”u qazanmağa qadirəm”
Joao Feliş iddialı açıqlama verib.
Portuqaliya millisinin hücumçusu “Qızıl top”u qazana biləcəyinə inanır.
Hazırda icarə əsasında “Barselona”da oynayan, müqavilə ilə “Atletiko”ya məxsus olan futbolçu bu haqda belə deyib:
“Hər bir oyunçu “Qızıl top”u qazanmaq arzusundadı. Düşünürəm ki, bu mükafatı qazanmaq üçün məndə lazımi keyfiyyətlər var. “Qızıl top”u qazanmağa qadirəm”, amma təbii ki, mən bir qədər də təkmilləşməliyəm. Çox şey baş verməlidi. Mənim 24 yaşım var. Çox çalışmalı və inanmalısan”.
24 yaşlı Feliş ötən mövsüm “Barselona”nın heyətində bütün turnirlərdə 44 oyun keçirib, 10 qol vurub və 6 məhsuldar ötürmə verib.
Digər xəbərlər
