“Hakimin qərarları hadisələrin axarına ciddi təsir göstərdi” – “Ludoqorets”in baş məşqçisindən gecikmiş etiraf
“Ludoqorets” Çempionlar Liqasının 3-cü təsnifat mərhələsinin ilk oyununda “Qarabağ”ı məğlub etdi – 2:1.
“Football-plus.az” xəbər verir ki, rəqibin baş məşqçisi Gerogi Dermenciyev matçdan sonra “Diema Sport2” telekanalına açıqlama verib. Mütəxəssis baş hakim Urs Şnayderin idarəçiliyinə də toxunub:
“Etiraf etmək lazımdı ki, hakimin qərarları hadisələrin axarına ciddi təsir göstərdi. Lakin başverənlər müzakirəyə qapalıdı. Hər şey geridə qaldı. Cavab oyununa daha ciddi hazırlaşmalıyıq. “Qarabağ” çox güclü komandadı. Onlar hücumameyilli oynamağı sevir. Nə yaxşı ki, inamlı oynadıq və qələbə qazandıq. Çox təsirli oyun idi. Qələbəyə layiq idik”.
Dermenciyevin cavab oyunu haqda fikriləri:
“Qarabağ”ın məğlub olması hər şeyin bitməsi demək deyil. Cavab oyunu var. Məncə, şanslar yarı-yarıyadı. Rəqib bu dəfə daha ciddi çıxış edəcək. Çünki qollara ehtiyacı var. Hücumameyilli komandalar bu yöndə çox effektiv oyun sərgiləyə bilir. Bu üzdən ikinci oyunda daha diqqətli olmalıyıq. Çəkinmirik. “Ludoqorets” özünə inanır. Həlledici matçda “Qarabağ”ı mübarizədən kənarlaşdırmağın yolunu tapacağıq”
.Qeyd edək ki, cavab oyunu avqustun 13-ü, Bakı vaxtıyla saat 22.00-da başlayacaq.
KƏNAN BAHADIR
Digər xəbərlər
