“Tək müdafiə yox, hər baxımdan güclənməliyik. Müdafiə təkcə arxa xətdəki 4 futbolçudan asılı deyil. Məsələn, “Bavariya”nın ardıcıl 11 il çempion olan komandasını xatırlayın. Düzdü, heyətdə dünya səviyyəli müdafiəçilər var idi. Amma komanda özü də pressinqdən əla istifadə edirdi. Biz də komanda şəklində müdafiə olunmağı bacarmalıyıq. Biz Boatenqlə bir il “Mançester Siti”də yanbayan oynamışdıq. Çoxlu qollar buraxmışdıq və bizim üçün heç də yaxşı bir mövsüm olmamışdı. Sonra Boatenq “Bavariya”ya yollanaraq və Dante ilə tandem təşkil edərək dünyanın ən yaxşı müdafiəçilərindən birinə çevrildi. Niyə? Çünki o komandada hər kəs müdafiəyə yardım edirdi. Belə komandada olan müdafiəçi üstəlik öz üzərində işləyirsə, avtomatik dünyanın ən yaxşılarından birinə çevrilir. Yeni mövsümə hər birimiz böyük ümidlərlə baxırıq. Həm mən, həm də oyunçularım nə etmək istədiyimizi bilirik. Hətta Noyer və Müller kimi əfsanələr də yeni şeylər öyrənməyə, inkişaf etməyə can atır. Nəticələri yaxşılaşdırmaq üçün hər kəs var gücünü ortaya qoyacaq. Oyunçuların məşqlərdəki performansından razıyam. İnanıram ki, məşqdə etdiklərini mövsümün ilk rəsmi oyunundan başlayaraq bütün matçlarda edəcəklər”.